علميني كيف اذاكر وابدع في نقـش الاجابـه
علميني كيـف اركـز واتناساكـي ثوانـي!!!!
كل ما شفت الجذور يصير في صـدري كأبـه
اتمنى لو اذوب بصمت وارحل عن زماني!!!!
اوجد الحـل المقـرب درس افكـاري تهابـه
والنتيجه واضحه والخوف من فاي إحتواني!!!!
أتسكـع والسـؤال اللـي محيرنـي جـوابـه
كيف أذاكر والوعد قرب وباقيلـه ثوانـي!!!!
والله اني من عرفتـك عايـش وكلـي غرابـه
عايش لحالي وأعاني من بغانـي مالقانـي!!!!
شي بصـدري كتمـة ساجنـه محـد درابـه
كل خوفي تترك اللي حبك وتختـار ثانـي!!!!
خايف ظروفي توقـف حبنـا وتعلـن غيابـه
وانت تدري ياحبيبي انـي بفرقـاك فانـي!!!!
خايف ظروفك تحدى ويعلن الحـب انسحابـه
واخسر اللي ضمني بالشوق قلبه واحتواني!!!!
ليـه تبعـد ياحبيبـي والغـلا مفتـوح بـابـه
اسكن عروش الخفوق (ولاتنـام الا بمانـي)!!
لك خفوقي ياحبيبـي مسكـن وكلـه رحابـه
والمشاعر من خفوقي لك يترجمها لسانـي!!!!
قلبي اللي خصك بحبه ومعلـن بـك اعجابـه
طالبك لاتتركه مادام في هجرك عصانـي!!!!
لاتشكك في الهوى وتزيد فـي قلبـي صوابـه
وانت تدري ياحبيبي مامعك في القلب ثاني!!!!
ملهمـة شاعـر غيابـك والله المغـرم يهابـه
صوتك الدافي سفينة ومسمع المغرم مواني!!!!
علمينـي كيـف اذاكـر واسعفينـي بالاجابـه
كيف اذاكر والوعد قرب وانا مازلت اعاني!!!!