[معلومات العضو آل بوراس]

هذه القصيده تروا عن ال حسن الدواسر انه جاهم غزو من الجنوب عددهم كثير على تسعه اعقدا واكمنو قريب منهم على انهم يغيرون عليهم عند الصبح واستوحوبهم وموقعهم في الدهناء عند عدايم الدهم شرق من الافلاج تبعد عن الافلاج 130 كيلو وارسلو ال حسن لهم خيال عليهم وتفاوض معهم وقالو له حنا ماجينا الا مجذوبين عليكم ولا في ذا الارض الا حنا وياكم وحنا الصبح بنصبحكم الا اذا عطيتونا النصايف بدون طراد وحرب ورجع عليهم الخيال بعلم القوم وبعد ماسمعو ال حسن رساله الخيال غارو عليهم في الحال وكان عدد الحسن سبعين بيت وحصلت الحرب وبفضل من الله انتصرو ال حسن على القوم واذبحو منهم تسعين فارس وخذو منهم تسعين ذلول والقصيده هاذي حسب الراوه انها((( لبــــو راس من الفرجان ال حسن الدواسر)))

ياعلي انا غاشي على كبدي امـرار=والعين مقزيها مـن النـوم عايـر
بار الحفيف وجاتنـا منـه الاخبـار= ولا بار فـن الله علـى كـل بايـر
تسع اميتن جونا مـن العبـر زوار= قـد جابهـم حـظ مـن الله ثـايـر
اركب على وجنن من الهجن تختـار=وجنى هميـم مـن خيـار الحرايـر
شربت قراح من شطاب وهـو مـار=وزهيبن له مـن حـلاوي الذخايـر
لاجيت روس الدهم ثم شفت الانشار= فرفع بصوتن يسمعـه كـل سايـر
ثـم ازهـم الفرجـان والاد عمـار= وعيـال شكـر لازد الحـرب ثايـر
الاد حسنن هيبـه المـدن والجـار= صبيان في الهوشات سـوو العبايـر
لامنهم لحقو عند حسكـات الاوبـار= جات القيامـه عنـد جـل الفطايـر
ومن غير ذا غرسن يجي حمله اوقار= دبسه علـى روس المقاديـم حايـر
واغرسوه ربع مابنو دونـه اجـدار= ماثمنـو للمـوت هـو والخسـايـر
يامرحبا ياطارشـن جـاب الاخبـار= لونـه مريـن مـن القـوم نـايـر

وهاذا اللي نعرفه من القصيده وهي اطول من ذلك وارجو اذا كان احد يعرف باقيه يضيف عيلها

وقد رواها : الشاعر عبدالهادي بن ضميد ال عمار