[معلومات العضو ابو زيد الغييثي]

معـركة طلال احدى ملاحم اعتيبه البطوليه ضد دولة الامام

والمنتصر لا مجال للشك فيهم هم جماعه مسلط بن ربيعان

اما من ناحية الدواسر المشاركين فأظنهم فقط حاضرتهم من

البدارين ( السدارا / آل سويد ) أمــا مشاركه الباديه والمتمثله

في روايتك بــ (( الشــكرة )) وعلى رأس بن حفيظ فهـذه اول مره

اسمع بها ، ولــكن ايضا ً لا أشكك بها ولا ايضا ً اجزم بصحتهــا

أمـا اشهــر القصائـد فهي قصيدة شليويح العطاوي الثانيه حيث انه

قال قصيدتين ولا تحضرني الا الثانيــه ومنهــا التي تثبت أن اهل العطفه

في هذه المعركه هم آل ربيعان ( ترثة محصن )والبنت اللي فرعة عن وجها

ذاك اليوم هي ( مضاوي ) اضنها من بنات مسلط بن محمد بن ربيعان وقالوا أن مسلط خالها وهي من بنات اخته وايضا ً كانت الحمايل مقسمه كما تبين ملحمه شليويح مع من بتلتقي من جنود الامام :

اول كلامي طلبتي ذكر الله =ماني عن الرب الكريم غناوي
اغفر ذنوبي يا محل ذنوبي=ان كان في بدع كلامي غاوي
مانيب من يمدح بقوله لسانه=ولا ني على عشق البني هواوي
على طلال الصبح خيل مخيلة=تاصل سناويها الى المطاوي
وبروقها الهند ومصاقيل العجم=ورعودها البارود والعزاوي
وتمطر بعطشان المحبب والقنا=والها بروس الخيرين تعاوي
جانا سعود (1)مسير بجنوده=معه الدويش (2)ولمة البداوي
ومعه جموع سبيع واهل العارض=وصبيان يام وبيرق القصماوي(3)
ثمانية الاف عداد جموعهم=بلوى وربي يدفع البلاوي
وحنا ثمانمائة عداد جموعنا= ماش اجنبي فينا ولا برقاوي(4)
الاد روق(5) اللي عريب جدهم=لاجا من الحكام رد براوي
ندّب علينا شيخنا ابن محمد(6)=ثم انتهض مثل العقاب الناوي
عودٍ (7)تعطف في ظهر جلومز=جلومزٍ مثل القضيب الهاوي
مترفعٍ عنها اللحم بعلوها=شعلاً شعاع شعلّةٍ شعلاوي
وصحنا عليهم ثم عاونا الله=لين انها صارت لنا مناوي
ياظفرهم لاقرب الله دارهم=وحنا عليهم مثل نجمٍ هاوي
لكن سربتهم اليا اوجهنا بهم=شراد ريم مع حماد داوي
لكن سربتنا الي اوجهوا بنا=زمولٍ مخزمة على الكراوي
وطلحه(8) نحوا عنا ببريه(9) يسارهم=وتعاقبوا دهم العروق هداوي
كن الجنايز في نحاوي طلحه(8)=جدع الخشب فالوادي السناوي
وحنا تلاقينا بسربة علوى(10)=وساع الطعون مطوعين الغاوي
ونخيت مزحم(11) سعد منهم ربعه=يوم اللقا زادوا ورا الهقاوي
ردوا يمانيهم لكل مجرب=ياما خذوا من روح كل مساوي
نضرب بسلات الهنادى روسهم=ونقصم مثانيهم مهيب سطاوي
ونرخي عيهم حد كل موصلة=في فعلها يحتار كل مداوي
وارويت مذلوق القنا من خيلهم=لين ادبحوا شرابة القهاوي
ومنعت سلطان البعير (12)بينهم=والشيوخ ما صدوا لها نحاوي
يارب تنجي وتنجي سابقي=اللي تزبني عن الاهاوي
ما يلحق العنان هامة راسها=ياكود يركيها على السنداوي
مضرب يديها في صليب الرقه=تاخذ من ادنى الحزم كبر الشاوي
قبٍ من الزلبات وافٍ عدها=بنت الاصيل وركضها فجحاوي
ابرها وام العيال تبرها=تشرب حليب الفاطر الجنفاوي
تطلعن يالبيض في مركاضنا=وصلت كسايرهم الى الحجناوي
وعزي لهم لولا اسمر في خيلهم=يهوي علينا اهواية النداوي
لا رحم ابو من صد عن محرافها=يوم انجلاع الستر عن مضاوي(13)
نطعن لعين اللي تهل دموعها=تبكي وفي تالي البكا نخاوي
تقول ياالظفران من عاداتكم=هوشوا عسى يبقي لنا شلاوي
ونطعن لعين اللي تجر حنينها=عفرا تبا صيفية المطاوي
قلت ابشري بالفك ياحم الذرا=دام الطعن يفك والاهاوي
تزبنوا عنا قصور عنيزة =لين احتماهم بيرق القصماوي
ترعى بنا عوج الركاب وتنثني=ماحدرت حسلة الى الحجناوي
والمدح لله ثم نسل محصن(14)=عسى لهم عند الاله عراوي
اهل العطف واهل المقام شيوخنا(15) =واهل الكرم والمنزل المتساوي
سواقة المغتر على الحرابه=يوم الحريب عن الحريب يلاوي
يا حايف الفنجال عده لمدوخ=واثنه لابن صلال والجلاوي(16)(17)
وانا زبون الحرد ابو ضيف الله(18) =لا قصر البرطم عن الشفاوي
وانا احمد الله يوم انا من لابه=ماهم بقطمان اليدين شواوي

1

/ الامام سعود بن فيصل

2/ بن شقير الدويش

3/ مالي علم باللي اشترك من القصيم ولكن اظنه يقصد ابن سدحان

راعي شقرا

4/ يقصد ان هذه المعركه كانت خاصه لاحد جذمي عتيبه وهم الروقه

ولم تشترك برقا وقد تكون برقا بعيده عنهم في ذلك الوقت ولهم عذرهم

5 / روق هم اهل هذه المعركه من عتيبه وهم على رأي الامير مسلط بن ربيعان

6/ هـو الامير مسلط بن محمد بن ربيعان واشهر امراء عتيبه وقضى عمره

في مجال الخيل والفروسيه ولكنه بلغ من العمر عتيّّّّّّّّه ومات في فراشه

وهو يشبه في ذلك الامير شارع بن قويد وهذه حال كثير من الابطال .

7/ أظنه يقصد الامير مسلط وانه كان في ذلك الوقت كبير السن ( عود )

8/ ذوي طلحه ومنهم الفرسان المعدودين آل محيا ( خياله الحردا ) و هم من الحناتيش

9 / بريه احد فروع قبيلة مطير العريقه ولهم مشاهد مشرفه وكانوا في صف

الامام في معركه طلال

10 / علوى هو احد فروع مطير وكان على رأسهم الدويش

11/ مزحم اذا لم يخب الظن يقصد شليويح جماعته القريبين المزاحمه وجدهم

(( مزحم ))

12 / سلطان البعيــر احد فريس مطير المشاهير وكان بعد هذه المعركه

منيعا ً عن شليويح العطاوي

13 / مضاوي هي التي كانت في العطفه عطفة عتيبه وفرعة ذاك اليوم

لتحمس الفرسان ولا اعلم نسبها جيدا ً ولكن قد تكون بنت الامير مسلط او

من بنات اخته في احدى الروايات ولكن الذي نجزم بها أنها من بيت أماره

14 / نسل محصن هو الجد الاعلى لآل ربيعان الكرام بيت الامارة في تلك المعركه

15 / يقصد ان العطفه كانت عطفة آل ربيعان

16 / ابن صلال احد فرسان عتيبه

17 / الجلاوي احد فرسان عتيبه من الشيابين

18 / الفارس الشهيــر شليويح العطاوي


واعذرني اخي العتيبي فمشاركتي غير دقيقه بسبب عدم الالمام بتاريخ عتيبه

الا ( النزر اليسير ) واتمنى التعقيب في حالة وجود اخطاء

ومنكم نستفيد


أخوكـ / ابو زيد