[معلومات العضو شافي القويسي المخاريم]

بسم الله الرحمن الرحيم




قصيده للشاعر المرحوم


عجب بن حمد بن عجب بن مقعد القواسيه المخاريم الدوسري

الله من فكرِن من الهم منداش=و يا عين ياللي لذة النوم تشناه
اتعبت رجلي بين مسرا و مغباش=واللي تمنى خاطري ما وصلناه
و اصداقنا بارو ولاعاد معناش=وشح الزمان ولا بقى باب بنصاه
ياما عطينا يوم ما يعطي اللاش=و يا ما نخانا ضامياً ثم سقيناه
اذكارنا بالطيب مع كل طرّاش=طيب من اجدادي و ابويه ورثناه
من عقب قل المال ماعاد نسواش=من فضل ربي لا بغيناه جبناه
لو ناشنا من جور الايام ماناش=اصبر وغير الله ترى ما رجيناه
منصى الذي لا شافنا صد وانحاش=من صك بابه دوننا ما طرقناه
ولو حاجتي عند الردي بارد الجاش=اموت انا افضل ما ترجيت حسناه
ولو هو قريب الجد ما ينفع اللاش=ولو كان عضو من اعضانا قطعناه
من باعنا بالرخص بعناه ببلاش=حتى ولو يصعب على القلب فرقاه
من باع طيبه بالدنانير ما عاش=وش هي حياته والمراجل تعداه
خسران في دنياه خسران ما حاش=الا النمايم بين هذا و هذاه
الطيب ما هو طاش ما طاش يا طاش=الطيب طيب منبعه طيب مجناه
الطيب لأهل الطيب ما هوب يخفاش=و مع التجارب كل شي عرفناه
قد قالها عمي محمد ولا عاش=خذاه ما خذا والدي يوم يرثاه
تشرب جروح الوقت قافه و تعتاش=زين المثايل في قصيده لقيناه
ابديت ما في القلب ينهش تنهاش=من واهج الدنيا و جرح كنيناه
جرح بقلبي مير ما ظن يبراش=عزي لمن راحت حياته معاناه
و صلوا على من وجهه ابيض من الشاش=محمد رسول الله نبيّن تبعناه

و المقصود من بهذه الابيات

قد قالها عمي محمد ولا عاش=خذاه ما خذا والدي يوم يرثاه
تشرب جروح الوقت قافه و تعتاش=زين المثايل في قصيده لقيناه

محمد بن حمد بن نمر ال نمر القواسيه المخاريم


عندما قال في قصيده له

الطيب لأهل الطيب و الناس دارين=مع التجارب كل شي يبيني

تحياااااااااااتي

أخوكم شافي المخاريم