هذه القصيدة للـشاعـر / نـاصـر بـن خـالـد الـشـكـرة
وذلك بمناسبة اجتماع قبيلة الشكرة الاخير
في ضيافة الدكتور /محمد بن عبدالله الجريوي الشكرة في مركز الدلم بجنوب محافظة الخرج
وقد حضره عدد كبير من اعيان وشيوخ القبيلة وعلى رأسهم الامير / محمد بن مناحي الشكرة ..
الحمد للــــــــــي بالمعزة جمعنـــا = الله سبحانه عظيم الجلالـــــي
ارجية يرحمني ويغفر زلتــــــــــي = وعليك يالله دبرتي واتكالـــــي
وسلام للي في محله جمعـــــنـــا = عند ابو عبدالله كريم السبالـــي
عند الجريوي بيــــض الله وجهـه = حر بدا بالمرجلة راس عالي
من لاد شكر ماقف العز والوفــا = ربعي تنومسني الي جاء مجالي
وجه لنا الدكتور دعوة وجينــــــا = وانا الي جت دعوته مانمالي
جينا وريح العود الازرق نطحــنا = والبن يزعج من خشوم الدلالي
الاد شكر لابتي حي لابــــــــــــــه = الاد شـكـر طـيـبـن الـفـعـالـــي
بقيادة ال حفيظ زيزوم جمعنــــــا = شيوخ وتعرفهم زحول الرجالي
وليا دعا ابن حفيظ وين الجماعة = جينا من الجنوب وايضا الشمالي
نفخر بفعل اجدادنا وشيوخنـــــــا =ولا خير في اللي ماله اول وتالي
افعالنا تشهد لنـــــــــا في القدايم = لاجت حشود القوم مثل الجبالي
وفعول ربعي ماقدرت اعدهـــــــــا =اهل المواقف في نهار القتالي
وفينا الوفا والطيب وايضا الشهامه = وفينا وفينا للخوي احتمالي
وشيوخ ربعي كلهم مانسيتهـــــم = من الجنوب الي حدود الشمالي
ولامر حكومتنا سمعنا وطعنــــــا = ولاخير في كثر الحكي والجدالي
وختامها مني صلاة على النبـــي = عداد ما تنشي مزون الخيالي