[معلومات العضو شافي القويسي المخاريم]

المشاركة الأصلية كتبت بواسطة مطلق ا لمخاريم

البارحة ما هملج الطـرف بنعـاس=ما فاض من نجمٍ عيونـي تخيلـه
لا باس يا عيني على السهر لا باس=علـى وليـفٍ مـا القـى مثيلـه
عنا قطع شوف المواصل له ارماس=ولا في يدي من نابي الارداف حيله
فيما مضى يأخذ جوابي من الراس=واليوم لا عاني وانا ما اعنـي لـه
العشرة اللي ما توثق على سـاس=تطيح لو صارت حصـون طويلـه
يا ونتـي منهـا المعاليـق يبّـاس=صبري قضى ما باقـي الا قليلـه
صبرت صبراً صابني منه وسواس=صبراً له النفس العزيزيـه ذليلـه
على وليف حال من دونـه اليـاس=واليـاس طـب للقلـوب العليلـه
من يتبع المقفي مـرده بالأفـلاس=مثل الذي بالقيـظ يدفـق صميلـه
هذي دورب الحـب جـده ودراس=الله يمضيهـا بسـتـر وجميـلـه
موفقٍ للخير يـا ظبـي الاطعـاس=لا تحسب الدنيـا باهلهـا طويلـه
الصاحب الغالي نحطه على الراس=واللـي يـودك لا تـدور بديـلـه
وصلاة ربي عد ما هـب نسنـاس=علـى نبـيٍ وضـح الله دليـلـه

لاهنت على مرورك الرائع