اقتباس:
المشاركة الأصلية كتبت بواسطة فيصل بن جزاء
امان يادار النبي والصحابه=امان ياديرة هل العز والجود
ديرة هل العوجا شموخ ومهابه=دار الحرم دار الكرم شمخ الطود
ترثة معزي كل مجدٍ رقابه=بالسيف طوع من دخل راسه الزود
يادار ابومتعب سليل النجابه=رجل السلام وكل خلق الله شهود
حامي حمانا ماحدٍ قد وطابه=ياخادم البيتين ياوافي العهود
حب الوطن دم الشعب في ترابه=ارواحنا ترخص ولاتوطى الحدود
حنا وقود الحرب وحنا اشتبابه=لاثور البارود واجتمعت حشود
نخلف هقاوي من جنونه طغابه=ولوه غدى كفٍ جيناله زنود
الا دعانا سيدي في خطابه=كل الشعب صارت عزاويهم سعود
حنا لكم سيفٍ بيدكم انصابه=امر ملكنا كلنا عندك جنود
واللي يخون الدين لوهم قرابه=عرض البهم مذبوح ماعنه منشود
نقضي على الارهاب ومنهو سعابه=ونطهرك يادار من كل نمرود
يالله ياللي مايخيب الرجابه=ياواحدٍ حجاج بيته له وفود
تحفظ ملكنا عز منهو لجابه=وعسى بلادي كلها سهود ومهود
|
شاعرنا القدير فيصل بن جزاء دائما جزل ومبدع
والوطن يستاهل قصايد مو قصيده الله يعطيك العافيه
والله يحفظ ملكنا ووطنا
تحيااااتي القلبيه