[معلومات العضو عاشق سراب]

عذاب والا شوق وألا تهاويــل=وألا بداية حب مأدري وش تكــوون
الله يستر بس ماهي بهاذيل!!=قد مات منها قلب واحترقت عيون
أخاف خط السالفه به تحاويل=.وأطلع بتالي الخط تحقيق وسجون
النور طافي والطريق اّخر الليل=حقي يضيع إن قال لي أنت مفتون
أسري على جو الهوى والمواويل=وأجاوب الطاروق بأوزان ولحون
ألعب على االمعنى ومر على القيل=ومرعلى العالي ومرعلى الهون
ماراح أكمل لاتعيد التحاليـل=لأني انا من جـد مجنون بجنون
تدري العذاب أرهاب والشوق تنكيل=والكل منها ماورى شوفته عون
واما الهوايل والتهاويل والميل=قد هال بي وقتي ومشكور ممنون
منك جميله حب وأغلى المحاصيل=لامن رسمت الحب بإبداع وفنون
ان كان لي عمر وصفت لي المقابيل=فوالله ماعنّــي وعنّك... ولادون