بسم الله الرحمن الرحيم
هذة قصيدة قالها احد كبار الشعراء يطلب ويستغيث الله فيها بعد أن اجذبت الارض وقل بها المرعى والماء فعزم وشد الرحال بحثاً عن المرعى والماء للأبل فتجة إلى ( وادي برك ديرة آل بريك ) وهناك طاب خاطرة ومن معه من اصحاب الابل من قبائل اخراء حيث وجد بني عمه اهل الكرم والطيب ذباحة الحيل وهذا ليس بغريب عليهم فهاضت قريحة الشاعر بهذة الابيات........
وهوالشاعر / طاحوس بن عيبان المساعرة الدوسري
ياالله يالي مابعد مد بزهيد = يالي علية الخير ماهوب كايد
يالواحد الفرد الصمد باسط البيد = يسامكاً عرشة بليا عمايد
يقابل الطلبات يزايل الكيد = يمحي عروق الهشيم الهمايد
جفت مراعي الارض وأشجارة بيد = معاد فيها من شجرة شرايد
جعل السحاب اللي مزونة مغاميد = ينثر على (برك) حقوق الرعايد
يجي لوبلة من مزونة عواميد = لين الجبل سيلة يحز النفايد
يأخذ علية اسبوع واسبوع ويزيد = ومهما يزيد وزاد جعله بزايد
يهية يالي ضاقبك واسع البيد = لولا الولي حامت عليك الصوايد
اسند وسند (برك )من غير تحديد = من قاعتة لفرعتة وانت صايد
تلقى مشاريعً وتلقى ثمر غيد = وبر وشحم والماء عذي البرايد
وتلقى بنى عماً تسابق على الجيد = ولافيهم اللي من للمواجيب حايد
الادناء بالادناء والتعدي مقاصيد = ولاقلت ذالي ذاك مامن بعايد
الاد (شكر) مطوعين المقاريد = كم روس قوماً روحوهم فقايد
مثل نهاراً ماتحلا بة شهيد = حطو الأصايل تحت أهلها وسايد
ولاد (البريكي ) لاحتماً المواقيد = يسعد منهم محزمه في الشدايد
سواقة الحربي بحدب البواريد = نطاحة الصاحب بطيب وفوايد
محاجي اللاجي عصاتن بواليد = خشوم برك النايفات النوايد
لاجيتهم ترتاح مافيه تنكيد = ولافيهم اللي للرفاقه مكايد
تدخل وتظهر دون شرطاً ولاقيد = كنك نهر العيد معهم معايد
يفدونهم شرايد الفقر يفهيد = أهل الرفايد والوجية الزهايد
أفعولنا ماهيب سرد وسراميد = أفعولنا تجلا أهموم الكبايد
حنا هل الطولات كسابة الفيد = وحنا هل القولات وأهل العوايد
وحنا اللي تقلد علينا التقاليد = وسلومنا تتعب جميع البدايد
دواسر في زود ونزود ونزيد = واللي زعل لابوه حمر الوقايد
...............................................
صح لسان الشاعر ولاعلى الاد مسعر زود
والمعذره من التقصير لان القصيد منقوله لي من الهاتف الجوال
وتقبلو خالص شكري وتقديري
أخوكم/ عبدالله بن حبيب بن محمد بن شدآد آل بريك الدوسري
(ابو زياد )