هذي مرثيه في الفقيد الغالي الشيخ سعد العبدالله الصباح
لشاعره والصحفيه السعوديه::اميره الجابري
تونا من فقد جابــــــــر ذابلين وما وقفنــا..
تونا نعزي بعضنا..وانتواسى بيـت بيـت!!
,,,,
,,,,
وانصدمنا في رحيلك ياسعد بس ما اختلفنـا..
انك اقفيت بجسد .. لكنك بفعلك بقيت!!
,,,,
,,,,
فاقدينك فاقدينك .. لو تبي نحلــف حلفنــا..
يرحمك ربي كثــر ما قمت لله و)عطيت(!!
,,,,
,,,,
كنت بحــــــر وكلنا من جود خيراته غرفنــا..
والدليل اني سعوديه ومع ذلـــك بكيت!!
,,,,
,,,,
ايه ببكي ،، دامك الأب الحنون اللي عرفنــــا..
دامك الصيت العظيم اللي يساوي ألف صيت!!
,,,,
,,,,
ما بقول ان السما طاحت..و لكن يا أسفنــــا:
هذا"ثاني رمز غالي"طاح من جسم الكويت!!
الشاعره والصحفيه السعوديه::اميره الجابري