(( بسم الله والصلاة والسلام على رسول الله ))
أخواني الاعزاء ,,
أضع بين ايديكم هذه القصيدة اللتي اتمنى ان تنال على إحسانكم
والتي قلتها قبل اسبوع وما ان مر على كتابتها يومين الا والامطار تتهاطل على ربوع ديارنا
وبالاخص الشمال فالدهناء والصمان "
اقول في القصيدة :
جعل المزون اللي تزبر من عصير = يسوقها الوالي شمالي "جهامي"
مزون سايقها غزير التماطير = وسنا مقادمها غشاه الجهامي
وتعم كل الجو من دون تقصير = عشرين ليلاً من حقوق الغمامي
ونشوف عند الصبح سطع النواوير = والقاع مفروشن بلون الخزامي
ولاعاد نتبع قيمة شوار وشعير = ولانستمع فمروجين الكلامي
ويزين حال الوضح ويعمه الخير = وتقوم تبني فوق عال السنامي
مع لابةً يثنون عند المظاهير =لا ثار عج الخيل يوم الزحامي
لامن حصل في صفوة الجو تكدير = وثار اشهب البارود من كف رامي
ناتي حياض الموت ورد ومصادير = و نارد عليها مثل ورد الظوامي
ومنهو زبنا نقف دونه طوابير= ودونه نبيع ارواحنا ما يظامي
ويشهد لي ابن سعود يومه لقاء الخير = عند الرجال اللي للأعداء كعامي
زبن علينا من شرور المقادير= وقلنا احرزت وبات بأمن وسلامي
والضيف له منا معزه وتقدير = وهذه هي سلوم الرجال الكرامي
ولا اقول في باقي الخلايق تقاصير = فعل المراجل بين كل الانامي
والمعذره لو كان فالهرج تقصير = ما كامل الا الله رفيع المقامي
وختامها صلوا على منبع الخير = محمد المبعوث جالي الظــلامي
وسلامتكم ,,,,
أخوكم / عبدالرحمن الشرافي