يامل قلب عذبه صالي النار=شبت عليه بوسط جوفه حرايق
ياقلب خلك دايم حيل صبار=من كلمة خلـتني بحـيل ضــايق
علم يحير ياعرب كل الأفكار=ماعـادلـي ياناس بالصـبرطايق
لاصرت تكتب عن علوم وأخبار=في شملنا سويت حزب وفرايق
لك في صميم الذات دانه ومحار=وشهادة فيـها جميــع الـوثـايق
ربعي الدواسر هم طويلين الأشبار=لاثـارت الهيجـا بوقـت الزهايق
نحشم هل المعروف ونقدرالجار=ونستر على زلات كـل الــخلايق
وأنا من آل غرير ياطيب الأذكار=زبن الدخيل اللي من الضيم ذايق
من راس تغلب سقم عايل وغدار=أرداهـم الـلـي يجـعــل الـدم رايق
سيف مع ربعي على الشر بتار=سعـد الخوي لاصـار فـيها رفايق
أحرص على خوة هل الطيب الأحرار=وجنبت عن دربي كثـير العوايق
وختامها صلو على سيد الأخيار=محمد المبعـوث أرسى الحقـايق