[معلومات العضو ابو زيد الغييثي]

السلام عليكم ورحمه الله وبركاته


أخواني اعضاء منتديات الدواســر الرسميه اقدم لكم " طرائف الشعر "

وهي ابيات طريفه ولكن ،اتمنى من الاعضاء المشاركه

بابيات طريفه كانت عاميه او فصيحه وابدء :



[line]

كان سعود بن جمعان المطيري طالع من المسجد ولقى وحدة رافعة يدها وتشحذ عند الباب
قال لها سعود:

يابنت ياللـي بالمساجـد تطوفيـن=كفـي يدينـك قبـل نأخـذ ريالـك
حـنــا تـرانــا كـلـنـا مستحـقـيـن=ماهو أنتي اللي مستحقة لحالك
لو لا الحيا شفتي وزانك ثلاثيـن=أحد يميـن منـك وأحـدٍ شمالـك
مرفـعـيـن إيديـنـنـا ومتـقـاعـيـن=الموجب إن أحوالنا مثل حالـك

وله ايضا ً

لاصـار جـدك ماتـرك لــك ملايـيـن=ماهوب لازم تشتـري لـه ضحيـه
قل له ياجـدي جعلـك مـن المناجيـن=ماانته كفوضحية البربـريـه
عقبتنـي للـديـن ومـصـارع البـيـن=ومن زين طبعك كاتبٍ لك وصيه؟
لو أنت ما أخذ لك من الارض حوشين=يوم الأراض بـلاش وسـط العليـه
إن كـان تلقانـي مـن أهـل الدكاكيـن=مطنـطـخٍ هالـحـيـن مـيــة بـمـيـه
لـكــن يـاجــدي ضحـيـتـك بـعـديـن=إن سهـل المـولـى ثمنـهـا علـيـه
حنا بوقتٍ شين وأشين من الشيـن=فيـه الخـوي ماعـاد ينفع خـويـه

[line]

ياونتي ونة مريض العصافير= والا غراب (ن) عاشق (ن) له دجاحه

[line]

صاحب منه تبي تطـلع الـروح = خبل ومنهي مـولــعه فيه خـبله
عامين أوضح له مع الجد ومـزوح = واقول ياعـنـتر تـنــاديك عبله

[line]

أحزن على فرقاك مثل الوراعين= لآ مروا الدكان وأسرع أبوهم

[line]

قدرك كبير وفوق روسنا رفعناه=عشان نوديه للمطبخ ونطبخ به عشانا

[line]

ان العيون اللتي في طرفها حـورن=خـلـت عيـال الحـمـايل في خبـر كـانـا
لاتحسـب المـجـد تمـراً آنـت آكـله=لـن تبلغ المـجـد حتي يجيك ماجـانا
فـان رأيـت نـيـوب الليث بارزةً=وحدتـْك الأيـام دورنا وتلقانا

[line]

يالعنبوك من الترف والنعومــه =كن النسا مسترجلة من حواليك

أخوكم / ابو زيـــد الغييثي