السلام عليكم
أهديكم مقطع لرائعة سمعتها في مدح قبيلة الدواسر مجاراة للشاعر ضيدان بن قضعان في رائعتة ( البارحة واهل البلاد النائي ـــــــــ آراءهم ما تتفق وآرائي )
والقصيدة حسب ماسمعت للشاعر المعروف/ نايف ابن مسرع بيض الله فقد أطربنا ورفع رؤسنا
يالله ياربي عليك رجائي=يامولج الإصباح في الظلمائي
يالله ياربي تغفر وترحم=لاضيعت بعض البشر الاهوائي
يالله ياربي نسالك لطفك=في يوم تنسى المرضعة الابنائي
في يوم لاحولن ولا به قوة=ومن شدته تنطق به الأعضائي
البارح البارح طرت لي فكرة=فكرة قصيدة عانقت الاضوائي
قصيدتن للغيهبان المري=الطرق طرقه والقصيد إملائي
وقد قالها قبلي صبي العرجا=ضيدان راع الدرة العصمائي
يازين مدحه فالنشاما ربعه=يستاهلون المدح والإطرائي
وأنا وشعري من فدايا قومي=أهل الرمح والبكرة السودائي
وسيوفهم موت وحياة وهيبة=وكم قدمت للجائعات أشلائي
قومُ ُإذا شحّ البخيلُ بمالهِ=أفقرهم بوقت القسا معطائي
دواسرن تميزوا بسلومهم=الطيب والنخوة بهم تلقائي
من صان شعره شاع لوّه ميت=لو قايله قد غادر الأحيائي
ومن هان شعره ضاع لوّه باقي=مثل السراب اللي على البيدائي