[معلومات العضو المهلب]

أنالي وليف خم قلبي سواة الطير = إلامن نكس فوق أبيض الريش ثم خمه
وليف خذا قلبي بعينه وصرت أسير = أسير وداعة سيد(ن)يكرم الضمه
ترفق على قلبٍ قليبٍ مراد العير = ولا كل عيرٍ وردن ياصلن جمه
قليبٍ ملاه الحب والطيب والتقدير = تخير لطي ارشاه بنتٍ لها همه
ترى الحب عندي في التماثيل ياهل الخير = معانيٍ تشرف من جرى الحب في دمه
معانيٍ على وضح النقا مادخلها غير = ولا دنسوها خمة مالهم ذمه
محبةشرف,,تمليك ,,ماهيب بتأجير = ولاهيب قولة ويش رقمه وويش أسمه
على ذا المبادي عشت من يومنيّ أصغير = أدور مجاني الطيب من خاله وعمه

,,,,,,,,,,,,,,,,,,,,,,,,,, وسلامتكم,,,,,,,,,,,,,,,,,,,,,,,