السلام عليكم ورحمه الله وبركاته
مراسله قديمه بين الشاعر الكبير محمد بن سعود الحمراني والشاعر الكبير سعد بن جدلان
يقول محمد بن سعود الحمراني :
يامل قلب زاع زوع اشقر زاع=من كف صقار على تل عبله
ورى خراعيب من الجول منصاع=يصوعه اللي بالمعرفه لعبله
راعيه صوت رافع اسم شلاع=من حبه ال طيره شفوق وندبله
على الذي حبه لجا بين الاظلاع=متى على الله بلتزم علم حبله
واليوم كنه مايل لتسماع=وعقب الذكى كنه على صورة ابله
ياراكب حر من الهجن مطواع=سنه سديس وشعل ينتعبله
له عند ابن جدلان كيال الاصواع=كيال صاع العرف والطيب شبله
اللي على رسم المعرفه له اسناع=اما رسم لطيب ولا وجبله
عطه السلام وفهمه كيف الاوضاع=وضع الغرام اللي رماني ابنبله
وانا محب صح ماني بخداع=متنشب قلبي معا من نشبله
والحل عنده والتفاهم ولاقناع=وكل نصيبه يحتوي ماكتبله
رد سعد بن جدلان الاكلبي يقول:
الف هلا ماهبت النود ذعذاع=ومالاح برق في مناشيه قبله
برسالة اللي من هوا البيض منلاع=والبيض من عارض هواهن ايهبله
وخصوص فرقا الشمل عقب التجماع=تلعب بطراد الهوا لعب سبله
والحب يامحمد غدا شمله امزاع=حطم كيانه كل خبل وخبله
اللي بسوق الحب تشري وتبتاع=تهديه باقة ورد ويرد دبله
ومشيه مع الظولات غنج وتمرياع=ون شاف زول يشبهه طار شبله
وش رايك انجنبه ياوافي الباع=مادام سوق الحب ماهوب هبله
اهل الهوا في سوقه اضمي وجياع=تطرب وتروي للهوا وتحطب له
كل معا سوق الهوا جاك فزاع=بعوده وبوصه ومواله وطبله
وسلم ودم محنة المزن بالقاع=وماحن رعاده وماهل وبله