[معلومات العضو كلاش]

كيف حالكم يالربع ؟

وشلونكم مع هالبرد الله يدفع البلا كسّر عظامنا

(( يانجد بردك شين والحر أكلنا ))

السالفه ومافيها سالفتن ذكرها لي واحد من الأخوان المشرفين بمنتدانا

والله أني مابغيت أصدقه وهو صدوق تدرون وش السبب ؟

لأنها سالفة تدل على أن بيننا ضعاف عقول وأسمحولي أقولها بالفم المليان

لكن حنا بأخر الزمان (( والليالي يلدن كل عجيبه )) ..

يقول الرجال أن فيه بعض الشباب معنا يدخلون بنك بنات ويطبلوّن لبعضهم

ويطبلون لأنفسهم على أن لهم معجبات ؟؟؟؟؟؟؟؟؟؟؟

يادافع البلا ؟! معقوله تصير بينا ؟!

والرجال يأكد لي ويقول والله أني أعرفهم وأشوف الديبي مدري وش أنت يالديبي ؟!

ويقول الدعوى واضحه لكن من يتجرأ يعلّق الجرس ؟!

قلت أطرحه وأطرح أبوه وأبو أبوه هذا منتدى الجميع وأدارته حكيمه وسياستها

تتيح الحريه لمناقشة أي موضوع لايجرّح أحد بشخصه والربع معودينا على هالشي..

وسميت بالله وتوكلت على الله وطرحته ..

أبغى رأيكم بصراحه بهالعينات ..

هل هم مرضى أنفصام ذكوري أنثوي ؟!

أو شغلة مراهقين ؟!

وأتمنى التشخيص الطبي الملائم لحالتهم من الأخوان والأخوات..

ودمتم بخير ..