[معلومات العضو سنعوس]

الجابر /

مثل ماجابك أبو عبدالله الحقباني للمنتدى نبيــك تجيب لنا الشاعر المبدع سعد بن مبارك الودعاني

أبشر بسعدك مطلبت شي بكلمه

وضاح /

وللتوضيح سبب حضور اليامية هو تقديم هدية السماوة لتسميتهم على فيصل
وهذا سلم يام في السماوة

والله يالغالي سلم يام مانيب اعرف واكذب عليك اذا قلت اعرفه ويمكن انت ابخص مني فيهم .

لاهنت يا بندر

لاكن لعلك اعلم مني بربعك ونسبهم الكريم

قولك ال شواي واخوانهم ال ناصر

كأنه يتضح للجميع ان ال شواي الكرام ليسوا من ال ناصر

واللي اعتقد اني اعرفه ان ال شواي الكرام بديده من ال ناصر

اي انهم يرجعون لـ ال ناصر

ثانيا الفحل اللي تقول هديه مهوب فحل قعود

تغدوا عليه ثاني يوم

على العموم ليس بغريبه على صبيان الوداعين الفزعات والعلوم الغانمه

وكفوا بالوداعين كلهم وجميع الدواسر

غربة وطن /
لاهنت على التصحيح وصدقني يالغالي فيه مثلي كثير مفكرين انه فحل وعلى قولتك انه قعود ويومهم يتغدون عليه ثاني يوم ماكنت متواجد بالاحساء .

وبخصوص ان ال شواي يرجعون لـ ال ناصر كلامك صحيح لكن انا جبت لك هالبيات من ورقه كانت فيها الابيات ومكتوب عليها هالكلام اللي تشوفه بالموضوع واذا الغلط حاصل مهب مني يالغالي هذا من اللي كتب مقدمة القصيده في الورقه وطبعها على الآله .

غربة وطن /

عتبي عليك يا ابن شواي

هذي مهيب كبوه هذا جهل في الانساب

ومن يجهل في الانساب

لايحشر نفسه السنوعس

اللي مايعرف نسب قبيلته ياليت يسئل قبل يدخل نفسه

في متاهاات هو في غنا عنهاااااااا

ممكن تسميه جهل غي الانساب لكن يالغالي ماتوقع يطلع منك الكلام اني احشر نفسي وحط في بالك ياغربة وطن هالموضوع اجتهاد مني فقط ولا انا مانيب احشر نفسي في القبيله على اساس مايجي واحد مثلك ويقط كلام .

ابو سعود الودعاني /

غربة وطن

اشوفك متحامل كثير

وعارف التفاصيل

ياليت تظهر نفسك

وتشرح لنا بالتفصيل الممل

حتى تتضح صورة الحفل للجميع

وبيض الله وجهك

الله لا يهينك يابو سعود ودام غربة وطن عارف التفاصيل بطلب من المشرف يحذف الموضوع وينزله راعي الانساب .


رساله للجميع
هالموضوع هو اجتهاد مني فقط واذا اخطأنا فـ السموحه منكم ومن صحح المعلومه بيض الله وجهه ومن جرحني في كلامه اقول له جزاك الله خير وابشر بسعدك مانيب حاشرن نفسي مره ثانيه و منتدى الدواسر مخليه لك .


مشرف القسم /
فضلاً وليس أمراً بما اني صاحب الموضوع ياليت تحذفه مره وحده .
الله لا يهينك