[معلومات العضو غربة وطن]

المشاركة الأصلية كتبت بواسطة سنعوس

بسم الله الرحمن الرحيم

السلام عليكم ورحمة الله وبركاته
اسعد الله مسائكم اعضاء و زوار منتدى قبيلة الدواسر الرسمي بكل خير
الخميس الموافق 24/12/1428ه زيارة ابن حربان وبني عمه من الوعلة يام الى محافظة الاحساء وتم استقبالهم ال شواي و اخوانهم ال ناصر الوداعين بقصر السرايا بمناسبة ولد يام موظف بارامكو السعودية وتم نقله من الشرقية الى نجران عند اهله وكان صاحب الفضل بهذا النقل الله سبحانه ثم فيصل بن مبارك ال شواي الودعاني .

وابن حربان و الوعلة من يام جابو معهم هداية لفيصل بن مبارك عباره عن سوبرمان 2008 وفحل و 5 خرفان رد جميل فيصل في ولدهم ولا انسى ان الولد اللي بارامكو جاء عليه ولد وسماه بأسم فيصل .

هذي قصيدة بمناسبة احتفال ال شواي و اخوانهم ال ناصر الوداعين بقدوم ابن حربان وبني عمه من الوعلة يام ...

مرحباً ترحيبةٍ تِلْبس وسام=من مقر الطيب نشهر وسمها
مرحباً اعداد ماغنى حمام=فوق اللي ينموس نسمها
مرحباً ماناض برق في غمام=وابله عز وفخر في وسمها
مرحباً بقدوم ذربين كرام=لابةٍ رووس المعالي قسمها
من قديم الوقت مافيه كلام=والجدايد محتمينٍ رسمها
ذايعين الصيت بعلوم جْسام=مبعدين الشوح حزة حسمها
الوجيه البيض تارد فالزحام=والندَى ينشاف ساعة عسْمها
في قبايل يام ياذرة سنام=كاسبين مْن الفرايد جَسمها
في قبايل يام فزعتهم شام=يامدورٌ طيب قم واستسْمها
في قبايل يام يانعم الحسام=كم تثنى فالمواقف لسمها
يام يام وكل طيبٍ فاح يام=كن فعل الطيب سِجٌل بسمها
يام يام ومن نصاهم مايضام=كل منهم فزعته يرتسْمها
يام يام مدلهة عسر المنام=لين صارت بسمةٍ يبْتسْمها
نعم يا ال عيل ياربْعِ حشام=كل منكم سكته مرتسْمها
اوعله خطلان ليدي فالعسام=كم غريب التوى في جسمها
اوعله غريرهم عقب الفطام=ياصل الحروه مافكر فسمها
اوعله لاورُردوا مثل الحيام=كبوا العجفا دوارة دسْمها
من وفاكم حاضرينٍ بالتمام=عادة شيوخ العرب ترتسمها
مرحباً ترحيبة تلبس وسام=من مقر الطيب تاخذ وسمها

الشاعر
مبارك بن محمد ال شواي الودعاني الدوسري
كان معكم من قلب الحدث بندر بن محمد بن نهار ال ناصر الودعاني الدوسري

ماخلاني انزل الموضوع الا رساله من الاميل بأسم الحقباني الدوسري هو اللي دعاني على هالموقع
,
,
,

لاهنت يا بندر

لاكن لعلك اعلم مني بربعك ونسبهم الكريم

قولك ال شواي واخوانهم ال ناصر

كأنه يتضح للجميع ان ال شواي الكرام ليسوا من ال ناصر

واللي اعتقد اني اعرفه ان ال شواي الكرام بديده من ال ناصر

اي انهم يرجعون لـ ال ناصر

ثانيا الفحل اللي تقول هديه مهوب فحل قعود

تغدوا عليه ثاني يوم

على العموم ليس بغريبه على صبيان الوداعين الفزعات والعلوم الغانمه

وكفوا بالوداعين كلهم وجميع الدواسر