الله يـقـطــع خــــوةٍ مـالــهــا ســـــاس = الـلـي ورى طــرد المـصـالـح هـدفـهـا
غايـاتـهـا يـحـكـم علـيـهـا بــالإفــلاس = ولا تـشـرف مــن يـجـي مــن طـرفـهـا
علـى الـردى والكـذب ترفـع وتـنـداس = هــــذي حـراويـهــا وهـــــذا وهـفــهــا
ياناقـلـيـن الـكـبــر مــاهــو بـنـومــاس = نـقـص المـراجـل كبـركـم قــد كشفـهـا
المرجله عملـة ذهـب مـا هـي انحـاس = ومـــا كـــل رجـــلٍ لابـغـاهـا صـرفـهــا
مالي مع مجلـس هـل الـزور مجـلاس = نــويــت أجـنـبـهـا وأجــنــب صـلـفـهـا
عـرفـت نــاسٍ طيـرونـي مــن الـنـاس = حيـث إنهـا نقـص عـلـى مــن عرفـهـا
شـذابـة العـرقـوب تشـذيـب الأمــواس = نـــاس عـســى ربـــي يـعـجّـل تـلـفـهـا
صورة عرب واسلوبها اسلوب خناّس = تـبـطـن خبـايـثـهـا وتــبــدي شـرفـهــا
أخيـر منهـا فـي الخـلا ســج الأنـفـاس = فــي ديــرةٍ سـيـل أمــس ذيــا جرفـهـا
مـع خـوي لــي عـلـى الـديـن قـرنـاس = حــــرٌ صـعـيـبـات الـمـراقــي ولـفــهــا
ورفيقي الطيّـب علـى العيـن والـراس = الـلــي مـنـاهـيـج الــوفــا مااستـلـفـهـا
وألا رديّ السـاس يبـقـى ردِيْ ســاس = ولا خـيــر فـــي نـفــسٍ دنـــيٍ هـدفـهـا
للشاعـــــــــر ابراهيم القحطانــــــي