[معلومات العضو الذيب العماري]

الحمد الله الحمد الله الحمد الله حمد كثيرآ طيبآ مبارك

الحمد لله كما ينبغي لجلال وجهه وعظيم سلطانه

قبل اسبوعين تقريبا كتبت موضوع استفزع بربعي وبني عمي وعصابة راسي وهو كالاتي

المشاركة الأصلية كتبت بواسطة ملوك الأزد

السلام عليكم ورحمة الله وبركاتة

انا يالربع طالب في برنامج التدرج الاي تي سي (( I T C )) في الظهران في فرع معهد الخليج

الحمد لله انا رجال ملتزم وخايف ربي ومحافظ على دراستي ولا علي رسوب او غياب

اللي صار يالربع ان واحد عكس الطريق وحنا طالعين من المعهد وجاء قدامي لفيت منه وجيت جنبه ولا شعوريا قرص موتري

شافنا المسئوال عنا ويحسبني افحط وكتب فينا ريبورت ان حنا مستهترين وضخم السالفه واليوم جاني يقول لي انك مفصول

حاولت فيه حبيت راسه طلبته آخر شي قال لي شف لك واسطه

والله قال لي شف لك واسطه


مير انا والله ماعندي الا ربي وانتو ياعصابة راسي

تكفون يربوعي اللي يعرف احد في اي تي سي الظهران يكلمني على 0504912361

اليوم الثلاثاء ولا قدامي الا يوم واحد هو يوم الاربعاء بكره لان بعده اجازه

والله مالي الا انتو والله مالي الا فزعتكم

والله اني محتاج لذي الوظيفه اكد على شايبي وعجوزي وعالجهم

تكفون يالاد زايد تكفون يالاد تغلب

اني داخل على الله ثم عليكم

اني داخل على الله ثم عليكم

اني داخل على الله ثم عليكم

وبعد دقايق جاتني الاتصلات والمكالمات من الذيابه الاجاويد وكان اول من اتصل ابونا الحبيب ابو نواف الدوسري صاحب القلب الكبير الذي والله صبرني وذكرني بالله وقال لي والله ياولدي لو تبيني اجيك السعودية والله لدق سلف واجيك ووالله لو ماحلفت عليه كان فعلها طير شلوى والله ما قصر وبيض الله وجهه

ثم جاتني اتصلات تصبرني ثم اتصل شخص يقال له ابو حليس ماقصر وحاول محاولات جاده ووالله انه كفو وماقصر

ثم اتصل الشاعر الكبير الفذ سعد ابن فهيد ووالله ماقصر وبيض الله وجه والله يرحم والديه

ثم جاء اللي فرجها الله على يديه اخونا الغالي والعضو الحبيب نايف البدراني الذي اسئل الله ان يكتب اجره ويرفع قدره ويجزاه عني وعن خير الجزاء

والله ماني بشاعر لكن حسبي اقول له الله يرزقك رحمتة كما فرجت عني هذه الكربه

ولا انسى ان اشكر الموقع الحبيب والمنتدى الغالي والاداره الكريمة وكل من علق او اهتم بموضوعي

وفي آخر موضوعي اقول الحمد لله على فرجه الكريم

والحمد لله ان ربعي الدواسر خطلان الايدي جعلني ماخلى منكم

واعتذر ان الموضوع مهو مرتب لكن هذا ما جادت به نفسي

والسلام عليكم ورحمة الله وبركاتة