[معلومات العضو محمد الجبريني]

بسم الله الرحمن الرحيم
السلام عليكم اخواني جميع .
ابيات بسيطه أتمنى ان ترقي الى اذواقكم الراااقيه يارب واعذروني ان حصل نقص او تقصير

أهديك عمري يابعد كل الاحباب =تدللي يانور عيني فديتك
الشعر فيك يروقلي ثم ينساب =واكتب جديده فيك من طيب صيتك
وغيرك من الخفرات محسب له احساب =ولاهم بالي بعد ماني لقيتك
فيك الحيى والدين والحسن جذاب =ابيع كل الخلق بعد شريتك
الحب يامشكاي بلوى وغلاب = وأنا سمعتك تشتكينه وجيتك
مثلك أعاني من المحبه ومنصاب =ومن العذارى جيت أنا وانتقيتك
والناس في هاذى الزمن سارو احزاب =وانتي طلعتي مثل ماني هقيتك
والله يلعن كل خاين وكذاب = وينساني الله كان خنت ونسيتك
واسرار حبك ياعيوني بدولاب = والله لايوفقني ان ماهويتك