[معلومات العضو ابو زيد الغييثي]

ياصاحبي ما يفيدك لـوم والا عتـاب=انا ماعاد اتحمل جـور سـود الليـال
وجدي على شوفتك عقب البطا والغياب=وجد الدواسر على ذود ٍ محاه النخـال
وجد العواجي عقب عزه وغيبة عقـاب=حتى حوابيط غرسه ما بعد مـاه سـال
وجد الذي وقعت في ابوه روس الحراب=او وجد عود ٍ وحيد ولا خلق له عيـال
عليك ياللي تخيلـي علـى كـل بـاب=لو غبت عني طبيعه حاضر ٍ فالخيـال
بطاك يمكن خطا بطاك يمكـن صـواب=وانا ضحيتـك لا حيلـه ولا زود حـال
عسى مراحينكم يمطر عليها السحـاب=امرَها لو مـال الـدرب فيهـا مجـال
لا ترتقص بك لياليك ويطيح الزهـاب=عوّد على صاحب ٍ لك بالوفا ما يـزال
وجاك الكتاب المغلف واقر خط الكتاب=والخاتمه ما بقالك غير عنـدي سـؤال
بالله وش فايدتك من البطـا والغيـاب=يمكن توفى مثـل ذود ٍمحـاه النخـال

لمـــحمــد السمي البقمي .


أخوكم / ابو زيد