[معلومات العضو خالد فهد الحقباني]

مزاين افعال وعلوم غانمه تنفع عيال الدواسر ويحكي فيها القاصي والداني ويسولف فيها الكبير علي الصغير ويفتخر فيها كل دوسري

تجمع المبالغ من رجال الاعمال ومن المقتدرين ويعمل الاتي

1- تسديد الديون علي كل مسجون من ابناء القبيله
2- فك الرقاب علي كل دوسري مطلوب ديه لاعفاءه من القصاص
3- انشاء مراكز صحيه متخصصه لابناء اهل الوادي بحكم بعدهم عن الرياض تكون في وادي الدواسر وفي الافلاج
4- رجال الاعمال تنشي مشاريع استثماريه يكون الموظفين فيها من ابناء الدواسر
5- انشاء مراكز اجتماعيه في مدن الدواسر تكون خاصه للدواسر
6- انشاء مساجد ودار لتحفيظ القران الكريم في مدن الدواسر
هالامور راح تخدم ابناء القبيله وتساعدهم في امور كثيره وتبقا محل فخر بين الدواسر يسولفون فيها القبايل الثانيه سنين وتشجيع القبايل الثانيه علي فلعها وبهذانسن سنه حسنه

اما مزاين الابل فعلي مدار التاريخ لم يعمل مزاين للبل علي الطريقه الحاليه خساره اموال في شي مايرضي الله وتبذير للماده وفي ناس محتاجه هالمادة من ابناء القبيله وغيرهم وغير انها مفاخرة بالابل والرسول صلي الله عليه وسلم نهي عن المفاخره بالاباء والاجداد فما بالكم بالابل ولو ان القبايل ماسوت مزاين كان ماجاء علي بالنا نسوي مزاين وردي علي من يقول ان هذي تراث ولازم نحافظ عليه اقول في مهرجانين في السنه تسوي لعموم القبايل في ام رقيبه ونوفا وهي كافيه لمزاين الابل بين كل القبايل وجامعه وشامله

غير كذا ابي الدواسر تتميز بشي ماحد سبقها به وابي القاصي والداني يقول شوفوا الدواسر وش سو وفعلوا نفعوا ربعهم وجماعتهم تنفعنا دين ودنيا

وسلامتكم