هذه القصيده قالها الشاعر عبدالله في المرحوم ان شاء الله فايز بن سعد الشرافي
والله يجزاه عنا وعنه الف خير
سبقنا على الجنه عساها تجي مثواه=بحول الكريم اللي عطاياه جزلاتي
بشهر الصيام وموكل للولي رجواه=قضى الليل ساجد ما قضاهن بحفلاتي
عزيز نعزه مابعد مل من خاواه=بشوش هشوش له مع الطيب فلاتي
هذاك الشرافي فايز ماقصدت سواه=ابو سعد له مني بياض السجلاتي
الايا فهد صبرك على الداء تراه دواه=وترا دومة الحاله من المستحيلاتي
عسى شايبك حوض النبي عده ومرواه=الى جاء نهار فيه طلعه ونزلاتي
وهذا زمانً ماحدً سلم من بلواه=تدور اليالي والمقادير عجلاتي