[معلومات العضو فهد الغريري]

بسمك الاهي بابتدي في كلامي=وبرجيك يامن كل خلقه ترجاه ارجيك ياربي بحسن الختامي=زاهد بدنيا مابها خير نلقاه سوى صلاة لك وايضا صيامي=وماجابشرعك يا الاهي تبعناه وبطلبك ترحم رفيع المقامي=وارجيك تغفر ما حصل من خطاياه اللي ذكر بالخيرشرق(ن) وشامي= ودايم لفعل الخير عجلات(ن)خطاه شيخ مقامه هامة المجد سامي= تاج على راسي وبفخر بذكراه عزيز نفس ومن رجال كرامي=ياسعد من في ساعة الضيق ينصاه حليم وموهب دليل الكلامي = وكريم مايبخل بمال ولاجاه ذكره على ثم اعتلى ثم زامي=بالطيب من بين المناعيرشرواه صفات ماتوجد سوى بالعظامي=اللي لهم تاريخ شامخ ابمبداه مرت على الفرقا ثمان تمامي=ولاغاب لحظه عن عيوني بفرقاه عيني بكته ولاعليها ملامي =ورحيله ابكى قاصي الدار وادناه وبكاه بيت شرفوه الحشامي= منصى ال ربعه واللمناعير تنصاه وبكاه طفلا فرحته به دوامي=يفرح بزوله وابتسامته لاجاه وايضا ضعيف يجود له كل عامي=فارق جزيل المد من بعد فرقاه وايضا كبير يواصله بالسلامي=دايم بوصل ارحامه ايوصي ابناه وايضا ربوع ينطحون الزحامي= قالوا عزيز وكلنا قد فقدناه توافدوا يوم العزا كالتهامي = واكثر حضوره يومها ماعرفناه رفقته بالدنيا رجال عظامي=وكل ذكره وقال يالله تجزاه تجزاه بالفردوس الاعلى مقامي= ويالله عسى في جنت الخلدمثواه ماحصي ثناهم فيه جفت اقلامي= وماقيل منهم فيه لايق ويزهاه مني السلام ووافي الاحترامي= للي حظريوم العزا لاعدمناه واللي غياب(ن) ماعليهم ملامي=معذور يامن كايد الضرف عداه يالأدمي دنياك مثل الحلامي=من طال عمره لازم بيوم فرقاه في طاعة الله قوم شد الحزامي= واسجد ال ربك باول الليل واتلاه بتواجه المولى بوقت الصرامي= وتبدالحياة السرمديه ابملقاه خسران من ضن ان حياته دوامي =ولاطاع ربه ساعة النوروضياه تبدا ضلام وتنتهي في ضلامي= وتبدا حياة البرزخ اللي عرفناه في ساس تكوينك بدا اول ضلامي=ثم بعد موتك ضلمت القبرعزاه مابينها فرصه بذكر وقيامي=للخالق اللي كون الكون وانشاه وفي طاعة الله نور يجلى الضلامي=ومن صدعن ذكره ابتزداد ضلماه وصلاة ربي عد وبل الغيامي =واعداد مانور القمر شع بضياه واعداد مانورا قفاه الضلامي = واعدادما يسجد من الخلق لرضاه اعدادها مني صلاة وسلامي=على النبي في بادي القول وتلاه السلام عليكم ورحمة الله وبركاته الشاعر العزيز والاخ الكريم صاحب اعذب القوافي واجزلها ابو نواف " سلطان الشكره" اررررحب ثم اررررحب ثم ارررحب ترحيبةٍ من واحدٍ يحبك ويغليك ويكنلك اصدق التراحيب حيه وحي ماجاب تو مازان القصيد لي اهل القصيد يابو نواف صح الله السانك وعتلا شانك وزادك الله من زوايد فضله التي لا تنقضي دايم في المقدمه يابونواف سواء في قصيدك او في ردودك الوافيه جعل الله لا يخلي هذى المنتدى الكريم منك ومن شرواك يابونواف واسأل الله رب العرش العظيم ان يجعل والدك في جنات الفردوس واسأله الله ان يجعلك بار في ابيك وهو ميت.. واسأله ان يحشرك مع والدك في جنات عدن اللهم امييييييين وتقبل مني فائق التقدير والاحترام اخوك في الله / ابوراشــــــــــــــــــــــــد