[معلومات العضو ابو زيد الغييثي]

اخي نوماس ونعم بالعوازم ولكن اخذ بثأر هابس بن عشوان في يوم الجبجوب

أخذه الامير هايف بن بداح الفغم أمير الصهبه

وكان هايف جالس في مجلسه وعنده الشيخ

عبدالرحمن بن خريف المرسول من الامام عبدالعزيز لتعليم الناس

امور دينهم , وقال الفغم بعد ما سمع منهم :ياشيخ وش رايك

فيما سمعت؟ قال ابن خريف العوازم فئه باغيه الا انه يجب ان يرفع

الامر الى الامام عبدالعزيز, فقال هايف : أنا ابن بداح مذبوح هابس

وأراجع فيهم انت تعلمنا امور دينا أما هذي عندي وكان بيده فنجال

قهوه فضربه بالساريه وصاح صيحته المشهوره (ثاير يا هابس )

وامر بنفض البيرق على العوازم , فعندما علم العوازم بقدوم

الفغم رحلوا عن النقيره واستمر هايف بمطاردتهم الى ان

وجدهم على الجبجوب وهي قريبة من البحر وأخذ

بثأر هابس ابن عشوان


قال شاعر واصل الزعبوط الديحاني

واصل بني عمّي هوى القّلب ومناه= دلاّ قتا ً والموت تاصل حراويه
كم شيخ قوماً قرّبوله مناياه=خلّوه طايح والحوايم تحاضيه
وكم ذود مصلا حاً تقسّم لداياه=جاتك خباره وأنت بالسّمع توحيه
وهذاه وقتاً ليتنا ما عرفناه=وقتاً لبيب القلّب ياناس يبكيه

وقال النيره بن لامي :

أحمد الله يوم ذبحوا بضحويه=يوم راحوا مثل عمدان الجرادي
جاهم الضيغمي يقدا السريه=مثل حر صايد وقت الهدادي
ماتعود خيلنا والشمس حيه =لين نأخذ فوقها بوش تلادي
لين ثارينا بشوق العسوجيه=هابس اللي للعدو سقم معادي

وقال معدي الزعبوط

كونك اللي كنت ماغنى بشيره =ثاربه هايف وقرمين العيالي
مع غباب الكون صبحكم ثويره =مثورن حرصن على ذبح الرجالي
جوك علوى كنهم زمل الجزيره=وواصل اللي تقطع السرح الموالي
ياخشير الذيخ جيت لنا حجيره=لا تمدى للجنوب ولا الشمالي
كل يوم وحن ندير بك البصيره=لايجي قلبك من الهاجوس خالي
جمعكم مع جو خوازن منيره =((وصيهد الجبجوب فيه الدم سالي))
كم هنوف خربوا ربعي حجيره =عقب نومه بالسقايف والظلالي

ويقول فالح بن دابس الديحاني

كنت يالعازمي وأصبحت ندماني =ما تهنيت بأقسوم تلاديها
جدك اللي ذخرلك صر ميلاني =كسروها مطير وشرعوا فيها
غير هابس طلع لك هابس ثاني =غب كونك وقومك مرثع فيها
ياجول العوازم جول غزلاني=شافت اللي من المصباح راميها

أخوكـ

ابو زيد الغيــيــثي