السلام عليكم ورحمة الله وبركاته
للتواصل وأتمنى ان ترتقي لذائقتكم :
هذي قصيده قريتها وأعجبتني
وأتمنى تعجبكم
وهي للشاعر بدر محمد السبيعي |
يالطيف الروح حبك نابت ٍ بين الضلـوع=مثل غرس ٍ نابت ٍ في وادي ٍ ماباح مـاه
تربته من قلبي المجروح وماه من الدموع=والضلوع اللي سكن فيها تصونه وتحَمـاه
عاش في ذيك الليال الماضيات اللي تروع=بين هم وبين حزن وبين خـوف وبيـن آه
حافظينه بالسنين وبالشهـور وبالسبـوع=ماحد ٍ يدري عن اللي شايله قلبـي وراه
وانت ناوي بالقطيعه مانشوفك يالقطـوع=ناوي ٍ تذبح خفوقي واعنـا قلبـي عنـاه
ماترجينا الطماعـه والطماعـه للطمـوع=شوفتك عندي تراها مكسب القلـب ودواه
والله اني يالطيف الروح رجـال ٍ قنـوع=ماطلبتك غير نظره مـن بعيـد وبالعبـاه
والعواذل لاتحط اذنك لها عبـد ٍ سمـوع=كل عاذل يالطيف الروح ياكلـه حصـاه