الهيــه والله من يحني الراس للنــاس !=شروى مثيلك من على الدون أعنــي !
منته بكفوي حتى علي ترفع الراس !=الزم مكانك .. واقْصِرْ الشر طــعــني !
أقْصِرْ ترى من يقرب الباس ينداس !!=أقْصِر ترى ما الله بمثلك جمــعـني !!
لا والله إلا طالت أذناب الخـــساس !!=لا والله إلا طال هرج(ن) دفــعني ..
دفعني إني ألزمك أطرف الســاس !=إي والله أقدر .. دام ربي وزعـني ..
حنا بني دوســر لنا العزّ نومـاس !=الله خلقني من كرامُ ورفعــنـــي ..
حنا على الأعدا طواغيــت وأشراس !!!=وإن ما شبعت العزّ .. هوّه شبــعني !!!
حنا بني دوسـر ردى حظ الأنجاس=حنا الدواسر بالفعايل نعنـــــي
حنا شهامى ونقطع الشر بالفاس=وأنا العدو لامن عرفني جرعني
متربي(ن) على الجود والطيب لي ساس=ويهاب قولي .. من رآني وسمعــني
من يصحب الجاهل .. له الدون نبراس !=ومن يصحب الداني .. له الحكي معني!
ثمّن كلامك قبل ينطق به إحســاس ..=كم عاقل(ن) قوله لشرواك .. دعــني !!
يا هيــس خذها جازمه لك من الراس !!=إن ما زجرتك عزّ .. عزي قطــعـني !!
الله خلقني من أصول(ن) كالألمــــاس ..=والله (على مثلك) زجير(ن) وضــعني !!
الشاعر ثامر البدراني
كــــفو قول وفعل
صح الله لسانكـ وبيض الله وجهكـ
قصيده جزله من شاعر جزل
جيتكـ ثمينه ومدتكـ سمينه
القصيده هذي عن مليون قصيده ارجو انها ماتكون اليتيمه
لاتبطي بجديدكـ