قصيده من ديوان خالد الفيصل الثالث
--------------------------------------------------------------------------------
حبيت اكتب لكم قصيده عنوانها
((ماهـــو صحـــيـــح))
هذي القصيده للشاعر ((خالد الفيصل))
اتمنى انها تنال اعجابكم...
ماهو صحيح القلب للقلب شاهد
لو هو صحيح اصبحت مفتون فيني
بيني وبينك حب من قلب واحد
ليته يجيك من الهوى مايجيني
وليتك تعرف الشوق لى صار واجد
وليتك تعرف أوجاع كثر الحنيني
ماقد شكيت الحر والجو بارد
ولاسهرت بليل طول السنيني
ولامشيت العمر والحظ قاعد
ولاتحديت الالم والونيني
اضحك وانا لجروح الاحباب جاحد
أداري المكنون عن كل عيني
ماودي افرح على قلب حاسد
والا عذابي في عيوني يبيني
شي يهون وشي بالحيل كايد
ياكود تجريح الخفوق الحزيني
من عانده وقته وقلبه يعاند
مالت به الدنيا يسار ويميني
غرتني أمثال العرب بالشواهد
يبيك قلبي وأحسب انك تبيني
وسلامتكم
اتمنى انها اعجبتكم