السلام عليكم ورحمة الله وبركاته
هذي قصيدة الشاعر شايع بن مسلم الخضران في الرائد: سند بن عجب بن فيصل ال حفيظ
راكب اللي تو راعيه من المــعرض شـراه= منوة اللي كل قـفرا خـــلا راحو لـــــهـا
يــانــديـــبي نـحره بيت قــرمــا من نـصـاه= لازمــه يقـضيــه والــكايــدات ينــولهــا
رح نحره بيت ابو عجب( سند) عـز اخويـاه=وعيدهن لامن اقبلن مخليات حــمـوــلها
الحمية والشجاعة سمـــــاة من ســـــمـــاه= والتواضع والكــرم عرضها في طولــها
تتعب اهل الكبر والزود تاصل مستـــواه= ماتساوى روس الاجواد هـي ورجولهــا
يا (سند) يا طيب الصيت محزم من نخــاه= يــا حفيــد اللي تعــد الرجــال فـــعولهـــا
منزلك يابو عجب مرتفع فوق النبـــاه= عـــند ذودا مــا يدوج الشريطي حولــــها
ما حلا رسم الشمطري عليها ما حلاه= والــعدد فــوق المــيه ظبــط غير فحولهـــا
كل ملحا كنها هضبة جبــــأل الـــسراه= طــايرا عنـــها وبرهــا وجــات حـــلولهـــا
لا ظهر نبت الوسامي قبل حيا رعــــاه= تسهــجه قبل اكثر البــــدو ما شــــدولهــــــا
في ذرى من يذبح الحيل ويعز قصراه= والنشامــا فــي محلـــه كـــثيرا ضــــــولهـــا
من سلايل محمد بن فرج خصم العداه= عــز ربـعه يـوم الاعـــداء تطــق طبولهــــا
يــــوم بقعــا تـــدرج كنها دوة رحــاه= والقبايـــل تصطفــق في ظــهور خــيولهـــــا
والردي دلوه على الجال تحذف مع رشاه= ما يفك نــاس من نــاس غـــــير زحولهـــــــا
يا سند وقت مضى تختلف فيه الــــرواه= صــارت شيوخ القبايــل تــغط فـــعولهــــــا
يوم عمت نعمة الامن في كل اتجاه= قــامت عيــــال الحصـــاني ترز ذيــولــــهــا
من خذاله ختم عمدة وفصله عباه=قال انا ساس الامــارة وســــاس اصولـــهــــا
الزمان يدور والله يكفينا بــــــلاه=والبشـــر يــا كثر مغرورهـــا وخبولـــهـــــا
القصايد عز وابليس ملعون ثواه=وثمرتها كان كل الرجـال اصـــفو لــــهــــا
والسلام ختام صلوا على خير البراه=خير من ادى الرسالة الى مـــرســـولهـــا