هذه قصيده كتبتها فتاه لاختها لانها تعاني من مرض خطير وسيجرون لها عمليه ترجوا منكم ادعاء لشقيقتها بالشفاء العاجل...
من البارح الين اليوم وانا ماغمضت لي عين
افكر في لمى وارجي من المولى سلامتها
انا ادري كل شي مكتوب للمخلوق زين وشين
وانا ادري كل نفس ماتموت الا ساعتها....
ولكن يابعد عمري ابكتب للحزن سطرين.....
ابنثر دمعة عيوني تبين لك معزتها .....
لمى يانور عين اختك وياقلب شقاه البين.....
ياطفله طاهره كل المعاني في براءتها...
يهددها المرض بالموت تضحك تنتظر بعدين
تجهز للدراسه تنتظر موعد بدايتها......
تقول احب ابلاتي واحب من المواد الدين...
تكلمنا وتسالنا على ساره صديقتها......
تسولف عن مواهبها وحب الرسم وتلوين..
اشوف الحزن يقهره الامل تعبير رسمتها
الا يارب يارحمن حنا بالقضا راضين ......
ولكن يالطيف الطف بحالتنا وحالتها.....
وانا من ليلة البارحه سهيره ماغفت لي عين
افكر في لمى وارجي من المولى سلامتها
منقول...