سابق الودعاني
والله ان هالقصيده معبــره ورائعه جداً جداً وقد مر على أسم الشاعر اللى قال هالأبيات ولكن
للأسف لا يحضرني الان وياليتـــك ذكرت اسمه
لــكل بيت من هالأبيات وقفه تأمل وصوره معبره أسئل الله أن يرحمنا برحمته
الموت هين والبلى ويش ورى الموت= عند الحساب يهون سهم المنايا
باكر نموت وتصبح قبورنا بيوت=وعقب القصور ضيقات الزوايا
في جوف الأرض وكل من حولك سكوت= وتعاقبن بالقبر عوج الحنايا
يارب يامنجي نبيك من الحوت= سترك وعفوك يوم كشف الخفا يا
باكر لاجينا على داعي الصوت = شيبان واطفال وشباب وصبايا
ندعى وحنا بين باكي ومبهوت= رحنا لها ننقاد مثل السبايا
يارب تهديني قبل لحظة الفوت= تغفر ذنوبي ياكريم العطايا
أشكيك همٍ داخل الصدر مكبوت= وايامي اللي بالخطايا ملايا
من لاذ بك من كان ضايع ومبخوت= في من يلوذ المرتكب للخطايا
يارب ياقادر على كل طاغوت= لايوقف اللي وحدوا بك خزايا
رحماك لامنا صحينا من الموت= واذا وقفنا عند بابك عرايا