[معلومات العضو ذيب آل عريمه]

السلام عليكم أخواني واخواتي

موضوعي عن خدمه تقدمها وبدون أي شروط لكن إذا قلت أنا لها ثم أسلمت الأمور لك ، فلا لك حق الذهاب يمنة أو يسره ، إلا أن ترجع كل شيء لي ، يعني لو تحاول تجحدني ، حياتك معرضه للخطر .

أنا عارف شكلكم ما فهمتوااا

الكلام أعلاه يقوله واحد لي ،، بتقولون طيب وش السالفه يا أخي ؟

فيه رجال بيعطيني جيب آخر موديل وكامل المواصفات جديد ، وأيضأ شريحة سوا جديده .

حتى هذه اللحظه أنا موافق ههههههههه ، وأكيد أنتوا مثلي .

له شرط واحد فقط

الجيب فيه حملة ( مخدرات أو مسكرات ) يبغاك تدخله في كراج في حي العليا في الرياض
وتجد هناك خدم هم الي بينزلوا الحمله ، وأنت مثل ما يقولون خلك على فراش الكرامه
ثم إذا نزلوا الحمله ، يصير الجيب لك . وأما رقم السوا فيه رقم الرجال اللي أنت رايح له ، تتصل فيه إذا وصلت الرياض وهو رايح يستقبلك ويوصف لك القصر اللي أنت رايح تدخله .

أخواني وأخواتي مجرد سؤال سألته واحد عمره 22 ( إثنين وعشرون خريفاً ) توه صغير . وقال ها الكلام اللي أعتبره ضربه موجعه لشباب هاالوطن الغالي على قلوبنا .
طبعاً عندنا في الوادي شباب في عمر الزهور لا وظيفه ولا أعمال مهنيه وتجدهم يركبون سيارة جيب فكس آر ،، أو جيب شاص ، آآآآآآآآآآآآآآآآآآخرموديل
وتجدهم بكثرة

أنى لهم هذا يا أخوان ويا أخوات ؟؟؟؟ ! ! !


معليش لركاكة الموضوع ،، ماني رايق فصحى هههههه