اقتباس:
المشاركة الأصلية كتبت بواسطة الشقرديه
انتخى في جد جدي والقبيله !!!!
ول يا كبر القهر لا صار ما باليـد حيلـه..=والجروح من القرايب والخطا منـي وفينـي!!
ان نويت اشفي غليلي ما لقيت اية وسيلـه..=كيف ابلقى دام جرحي سبته طعنـه يمينـي؟!
وان نوت تبكي عيوني صارت الدمعه بخيله!!=كبرها لامن تجمع هم قلبـي وهـم عينـي..
ياهموم(ن) بي تعدت حدها صارت ثقيلـه..=اخذي مني كم سؤال ولو سمحتي جاوبينـي..
ليه من بعد الوفا والطيب وفعول(ن) جليله..=من يدين اللي حشمته اول طعونـي تجينـي؟؟
وليه لاضاق الفضا في عين من خانه دخيلـه..=مالقيـت الا الملامـه انتهيهـا وتبديـنـي؟!
ياهمومي ياجروحي يا صدى الروح العليلـه..=والله ان الظلم قهره قيّـد لسانـي ويدينـي!!
يوم قيل اظر حسودك زاد في قولـه وقيلـه..=ما طرالي غير قولت آآآخ يا دنيـا ارحمينـي..
ان تكلمت وحكيت وجبت برهاني ودليلـه..=ما تضرر كود منهو قـد لفانـي منتخينـي!!
وان سكت وقلت هانت هم وسنيني تزيلـه..=اكتشفت ان السنين تزول والهـم محتوينـي!!
بس لجل اللي انتخى في جد جدي والقبيله..=والله اني لاشرب المر واتحمـل مـا يجينـي..
ودام ما بالكون صدر(ن) ارتمي به واشتكيله..=ودام مابه عين تقرى حزني اللـي مبتلينـي!!
ما لي الا بيت شعر(ن) اذكره في كل ليلـه..=لا انتهى جدال المعاتب بين قلبي وبين عينـي..
ول.. يا كبر القهر لاصار ما باليـد حيلـه..=والجروح من القرايب والخطا منـي وفينـي!!
تمممم نقلهاااااااا |
الشقرديه
الله يعطيك العافيه
على هالتقل المتميز
تقبلي مروري
سلطان ابن دخيل الله ابن محمد الشكره