ااايه اغرره وعدواننا مـا تهنـا××حنا هل السيف الذي ماله جـراب
وللسيوف بكفوفنا صـوت حنّـا××والقوم من صفق المخابيط هرّاب
حن ترثة جُميلة مرويـن الأسنـا××افعالنا بالهوش والى شب شبّـاب
كم ديرةٍ قد دمـرت مـن سببنـا××وعدواننا بنجيه بشلـفٍ وحـرّاب
وديارنـا فـوق المعالـي تبنّـا××واللي بغاها امصيره مدفون بتراب
دواسـرٍ ذي لابتـي وماتـونـا××تسمع عزاويها والى صاح مرقاب
وجيـه قـومٍ مطلقيـن الأعنـا××فوق المهار ويصبح الدم سكـاب
الى غزينا غـزوةٍ مـا هِزمنـا××والى غزانا قومٍ اليوم قـد خـاب
الى حكينـا قولنـا فـي فعلنـا××والى فعلنا فعلنا الهوش يرتـاب
الى عدينا افطرقـةٍ مـا جِهلنـا××هزت اراضيها مع جبال واهضاب
واللي نخانـا كلنـا لـه فزعنـا××لاد الغريـري للمّـروات كِسـاب
حنا مع الرفيق وعلـى ماتمنـا××الا الردى في حين تحكمه الاسباب
متوارثين الطيـب وحتـى ولدنـا××يفوح ريح الطيب منه بالاطيـاب
يا جاهلٍ يا سِعدنـا ويـا سعدنـا××حتى الولد منا هو فكاك الانشـاب
فينا الكريم والطيب فينـا وحنـا××فينا الشجاع وفينا قطاع الارقـاب
ويا جاهلٍ رح انشد اليـوم عنـا××يقولها بن غرير عمى عين حرّاب
الشاعر الكبير محمد الغريري
أولاً والله كفو كفو كفو كفو
وثمانين نعم بني عمٍ وافين جعلكم المعزه
وثانياً صح الله لسانك ملاييييييييييين
وثالثاً تقبل ودي وتقديري
أخوك دغش البطي