بسم الله الرحمن الرحيم
السلام عليكم ورحمة الله وبركاته
الأخ عبدالرحمن الشرافي أشكرك على هذا الموضوع المتميّز وأشكر جميع أعضاء المنتدى الذين لا يتوانون عن بذل الجهد الذي بإذن الله يحفظ لنا تاريخ آباءنا وأجدادنا. وقد قمت بقراءة هذا الموضوع والقصيدة ولكن تبيّن لي أن هناك خطأ في اسم الشاعر فهو الشاعر / مترك بن عبد الله بن فلحان المخاريم الدوسري
وهناك نقص في عدد أبيات القصيدة التي هي أكثر من ذلك وها أنا أورد القصيدة كاملة.
يا راكب عثوا السنام آركيّه = ترعى غصون الراك والبدو مسنين
تجعل مسير الخمس روحة عشيّه= وتلفي لنا شيخٍ يغيث المساكين
عبد العزيز اللي عزومه قويّه= احيا هل العوجا وهم كان فانين
يفرح به اللي زارعٍ لـه ركيّه= في الرق كنّه في قوي الضلاعين
من قبله القرّاش توخذ حذيّه= ومن عقب حكمه ما حدٍ شق في الدين
من الكويت اجنب وجر الغزيّه= القوم ستينٍ وهو ند ستين
وبمفرزاتٍ ناخ وابقا كميّه= عند الركاب ابقى من القوم عشرين
وصبّحهم المنعور والشمس حيّه= معه اربعينٍ وعنده ان قومه الفين
من حر ما ينّس وكبده لظيّه= حتى تبدل شينها جا لهم زين
ونادى لـه اللي عالمٍ بالخفيّه= ثم استقر الحكم والناس مرزين
ما يذكرو ن البيض جابن حليّه= من وقتنا الماضي ليا حيننا الحين
سوا بعجلانٍ سوات الغذيّه= لا من ذبحها واحدٍ للضيافين
جرّه وسوا به سوات الضيحّه= لا عرضاها مرهفات السكاكين
آما عليه بسلّت النافعيّه= ودزّه وقال ديونكم يا هل الدين
الحكم حكم جدودنا الاوليّه= ما يستوي لك يا اسود الوجه ياقين
واركا على العدوان هيّه وكيّه= ابطا يصارعهم على العسر واللين
ثم استطاعت نجد صارت هديّه= من عقب ما هي كان تلعب بحبلين
اطفا بضو الخصم واشعل ضويّه= سلطان نجد ومن مورث سلاطين
الله يعزك يا مساوي الرعيّه= اطلب الله قولوا آمين وآمين
الله يجيرك من بلا كل سيّه= ابجاه معبودٍ لبيته ملبين
يا جعل عمرك طول رجم الحنيّه= يا مساويٍ الشعب الاقصى والادنين
طالبك ما تزها الجنايب ثنيّه= حمراً من اللي ربعت حول يبرين
قل تم لا تّمت عليك المنيّه= عساك تلزم سالٍم السباهين
هذي ابياتٍ قلتها لك هديّه= من مترك بن عبيدٍ الفلاحين
وابذكر المعبود مرسل نبيّه= وصلوا على سيد البشر يا المصلين