اقتباس:
المشاركة الأصلية كتبت بواسطة ابو زابن المسعري
أبشر بهـا فـي وقتهـا لا عدمنـاك=لو كان مبطي مـا نظمـت القصايـد
الشعر وهبة مجري(ن) كـل الأفـلاك=أحدن عطاه كثْيـر واحـد(ن) شرايـد
وابشرّك قسمـي ومثلـي وشـرواك=فالشعـر دايـم نــادرات الفـرايـد
لكـن لـي مـدة عسـى الله يرعـاك=عن كـل مايكتـب بعيـد(ن) إمحايـد
أبعـدت عـن ذولا وهمّـلـت ذولاك=ووسدّت راسي مـن زيـان الوسايـد
الوضـع ياذيبـان ماهـوب يخفـاك=ومثلك رزيـن وعاشـق(ن) للفوايـد
بعض الأماكن صارت إزعاج وعـراك=ما مـن وراهـا إلا البـلا والنقايـد
تلقابهـا منافـق وكـاذب ونـمّـاك=ويـا قـل والله صادقيـن الوعـايـد
ناس(ن) على درب البشر تزرع أشواك=وتفرح ليا صادك مـن الشـر صايـد
أبعـدت عنهـم ياعسـى الله يرعـاك=وعن كل مايكتـب بعيـد(ن) إمحايـد
الاخ العزيز والشاعر القدير
راشـــــــــــــــــــــــــــــــــــــد
صح السانك وبيض الله وجهك على هذه القصيده الجزله
لك جزيل الشكر
اخووووك
ابو زابن |
ارحب يابو زابن ياهلا والله وغلا ، صح بدنك ياطويل العمر
نوّرت الصفحة بحضورك الجميل فلك مني الشكر الجزيل ،،،