لايهمك عذابي ولاتهمك جروح=دامك بخير روحي والعمر يفتديك
والله اني فلا ازعل دام بالجسم روح=لاتضايقت والله بس خوف عليك
مابه أحد سواك اللي باجي له واروح=لعنبوا غيرك أرحم من هواك ويبيك
لك غلا بالمشاعر باني" له صروح=ولو حياتي ثمن حبك أنا مشتريك
يابعد كل من حبيت خلك سموح=قلبي اللي يحبك لو نهيته يجيك
طالبك ياحبيبي لاتهد الطموح=لاتحطم شعور صار منك وفيك
طالبك سد قلبي لابيوم يبوح=أنت بس أنت يمي والله ان أحتريك
خذ كلامي من أقصى القلب ماهو بمزوح=تدري ان روح عاشق وامرها في يديك