الســــــــــــــــلام عليكم ورحمة الله وبركاتة
هذه الابيات الشهيرة للشاعر فراج بن ريفة القرقاح واقدمها لكم بروايتين :
قال ابن ريفه بدافي المرقـب العالـي=واعلى المراقيب تومـي بـه هبايبهـا
يامرقبي جـاك مـن الاسبـار همالـي=انصوب مزن من المنشـا يهـل ابهـا
ما يدهله كون صافي الريـش ولوالـي=ولا الولع يـوم يفتـك فـي عجايبهـا
انـا ولـد طارفـه مانيـب كسـالـي=اخاف مـن خبـرة باحـت مزاهبهـا
عليك يا مرقـب جيتـه وانـا سالـي=هيض على القلب ديارنٍ شطيـت ابهـا
هيض عليه شدوق ( الثفن ) لا سالـي=عطفة ( طريب ) ليا زافـت عجايبهـا
لامن غدا الفيـض كنـه زرع عمالـي=سيلـه مـن القـدم للبطنـان ناهبـهـا
كم مـرة قـد نزلنـا عشبـه المالـي=بيوتنـا لاوزا المجـرم يـلـوذ بـهـا
تنزلـه ببيـوت عــراف وجهـالـي=وانا جا النذر مـن خفيـف مانزهبهـا
ربعي ( عبيدة ) الياجاهـوش وقتالـي=هل هية في الضحـى تشعـا كسايبهـا
انشد ( عبيده ) هل الطولات من حالـي=وانشـد الاجانيـب يـوم انـا نقربهـا
منهـو يقلـط علـى فـرش وفنجالـي=سعد ابـن عمـه لياجاتـه مكاربهـا؟!
لامـن غـدا بيـن نقـاض وفتـالـي=وصفت الاجانيب واذاتـه بطلايبهـا ؟!
ثم جيتها ثم لفحت بهـم علـى الجالـي=لفـح الدالـي للمعـدي يـوم يجذبهـا
ياركب ميمونه فـي مشيهـا ارمالـ=يماشتحن مـن هـل العيـرات راكبهـا
تزهي السفايف وتزهي الخرج وحبالي=ومجرب لاسرى فـي الليـل صالبهـا
ملفاك من يلبسـون الجـوخ والشالـي=ربعي ودرعي وضـد اللـي يحاربهـا
ملفـاك شيـخ القبيلـة حامـي التالـي=عند ( ابن شفلوت ) يالمنجوب قربهـا
قل له على طالت المدة وانا ( جالـي )=عشر ( سنوات ) مضت بحساب مقطبها
فان كان ربعي نسوني مانيـب غالـي=باعيش فـي ديـرة قفـرا جوانبهـا !!
في ايدي قرار تكـف الجمـع لاهالـي=طويلـة ناحـل مقـضـب خشايبـهـا
لي بندق ما صنعهـا الصانـع التالـي=من دقة ( المارت ) نحـال مقاضبهـا
شريتها بالثمن يـوم ارخـص المالـي=إميـه وعشريـن مـا يمهـل بغايبهـا
الله يرحمـك يـا عـود شراهـا لـي=مـن واحـد جابهـا للسـوق جالبهـا
حديدهـا واذكـر الله كـنـه ريـالـي=كـن الحيايـا تطـوافـي مقاضبـهـا
اقف بها بيـن ربعـي وامنـع التالـي=لا خف ولد الردي ما احتـال يزهبهـا
عط الطويلة عريـب الجـد والخالـي=ولد الردي لا تلخونـه يـزول بهـا !!
واللـي رفيـع وللشوفـات حمـالـي=ارفـع نواصيـه يـاربـي وقطبـهـا
وانا من الخبرة اللـي شورهـم عالـي=واهل سلـوك الـردي يـارب تذهبهـا
بنت غراهـا زبـاد فـي ايـد دلالـي=ولا طمـوح هواهـا مـن يلاعبـهـا
كم مـرة قـد ضربنـا منجـم خالـي=وكـم جملـة فرقتهـا مـن ربايبـهـا
وليـا لفونـا مـن المقنـاص زعالـي=أحـد مـدح بندقـة واحـد يعذربـهـا
بشرتهـم العشـا مـن عقـب مقيالـي=القايـدة مـع مـرد الكـوع ضاربهـا
اضرب بها الوعل لاجاد لـه تهنفالـي=ابـو حنيـة كبيـر الـراس شايبـهـا
ذبحت عشرة بهـا والظـل مـا مالـي=والحاديـه روحـت تثلـغ مضاربهـا
ويالله انـا طالبـك حمـرا هـو بالـي=لا روح الجيـش طـفـاح جنايبـهـا
لا روح الجيش حاديه اشهـب اللالـي=لا هي تـورد وسيـع صـدر راكبهـا
اللي على كورهـا واللـي بالاحبالـي=واللي علـى عيزهـا واللـي بغاربهـا
لا روحت مع سباريت الخـلا الخالـي=كـن الذيابـه تنهـش مـن ترايبهـا!!
تمـت وصلـوا عـدد ماهـل همالـي=علـى نبـي شـروع الحـق رتبـهـا
اغفـر ذنـوب الفتـى يالله يـاوالـي=لا جيـت فـي حفـرة رزوا نصايبهـا
وقد وردت هكذا ايضا ..
قال بن ريفه بدا في مرقـب عالـي=حل المراقيـب تومـي بـه هبايبهـا
ما يدهله كون صافي الرش والوالـي=ولا الولع يوم يفنـك فـي عجايبهـا
هيضني الرجم وأنا مـن اول سالـي=لهم على القلب ديران شطيـت بهـا
يا مرقب جاك من الأمطـار همالـي=نصوب صيف من المنشي يهل بهـا
لهم علينـا شـدوق الثفـن لا سالـي=وعطفة طريب الي زافـت جوانبهـا
لما غدا الفيـض كنـه زرع عمالـي=سيلـه مـن القـدم للبطنـان ناهبهـا
كم مرة قـد نزلنـا عشبـه المالـي=ببيوتنا اللي وزا المجرم يلـوذ بهـا
نبنـي بيـوت بعـراف وجهـالـي=وأن جاء النذر من حفيف ما نرهبهـا
بعوال مفلـح وهـم حمايـة التالـي=بمحول صلفات عطيبـات ضرايبهـا
صبيان قومي تحل المنجـم الخالـي=كسابـه المـدح حمايـة ركايبـهـا
ربعي عبيدة وأنا من حربهـم جالـي=هل صبحه في الضحى تشعى كسايبها
ونشد عبيدة هل الغالات مـن حالـي=ونشـد لجانيـب يـوم إنـا نقاربهـا
من هو يقلط على فـرش وفنجالـي=سعد بن عمه الي من جـاء مكاربهـا
لمـا غـدا بيـن نقـاض وفتـالـي=وصفـوا لاجانيـب واذوه بطلايبهـا
عديتهم ثم نسفت أبهم علـى الجالـي=نسف الدلي للمعدي صـوب جاذبهـا
عسى هل الشين ما يبقى لهـم تالـي=وهل اسلوك الردي يـارب تذهبهـا
ولـي جليـل وللشطـات حمـالـي=أرفع نواصيـه يـا ربـي وقطبهـا
أنا من الخبرة ألـي شورهـم عالـي=واما هل البخـل بامـر الله نجنبهـا
يا راكب من على اللي مشيها ارمالي=مأمونـة يرفـع الهـلان غاربـهـا
تزها السفايف وتزها الخرج وحبالي=ومجرب لا سري في الليل صالبهـا
حي الطويلة وحي اللـي شراهالـي=من واحد جابها في السـوق جالبهـا
شريتها في الدهر يوم ارخص الغالي=بمية وخمسيـن مـا يمهـل يغايبهـا
حديدهـا واذكـر الله كنـه ريالـي=وكن الحيايا تطـارد فـي مقاضبهـا
بنـة غرهـا زبـاد عنـد دلالــي=ولا طمـوح هواهـا مـن يلاعبهـا
واضرب بها الوعل لمنه تهيـا لـي=أبـو حنيـة كبيـر الـراس شايبهـا
لا ثار بارودها الـي العـود متالـي=منهـا الريايـا مقطـعـة نشايبـهـا
واطمر بها عند ربعي ومنـع التالـي=لا هاب ولد الـردي معـاد يزهبهـا
والي لفانا مـن المقنـاص زعالـي=أحد مدح بندقـه والـي يعـذر بهـا
بشرتهم بالغداء مـن عقـب مقيالـي=والفايدة من مـرد الكـوع ضاربهـا
واسرح بها في السحر مانيب كسالي=وكم سرحـة فرقـت منهـا ربايبهـا
((يا الله وأنا طالبك عطني هـو بالـي=حمراء من الجيـش طفـاح جنايبهـا ))
لا روح الجيش حادية اشهب اللالـي=ليهي تورد وسيـع صـدر راكبهـا
اللي على كورهـا ولـي بالحبالـي=واحد على عيزهـا والـي بغاربهـا
لروحت مع تخاتيخ الخـلا الخالـي=كـأن الذيابـة تنهـش مـن جنايبهـا
فاستغفـر الله اللـي فوقنـا عـالـي=حطيـت فـي حفـرة رزونصايبهـا
فراج بن ريفه القرقاح القحطاني رحمه الله
مبكم ابو زيد الغييثي