[معلومات العضو ابو زيد الغييثي]

هذا اللي يطري على بالي ذالحين





اللابة: هم جماعة الرجال

يقول الامام تركي في قصيدة مشهورة:

شيخٍ على درب الشجاعه مضرا=من(( لابةٍ)) يوم الملاقا ضواري

الملابيس:هم الفرسان الشجعان الذين يلبسون الجوخ الحمر والدروع

يقول بن رشيد مادحٍ ابن سعود بعد هزيمة الخوالد:

طردت عن هجرٍ(( ملابيس)) هباس =وتزوجتها غصبن وهي بالحدادي

المنجوم :هو الضائع في الصحراء ولا يعرف الطريق

يقول واحد من الغييثات مفتخراً:

وانا من لابةٍ تاطا الخطر وتسنع ((المنجوم))=زبن الجلاوي مرخصين الروح لبن حزام

اللدوح:هي الفرس او الحصان التي لاتستطيع مجاراة الخيل في المعركة

يقول ابن ساجي الغييثات مادحا الغييثات :

يفرح بهم راعي الحصان اللدوحي =والخيل جاها شرها من وراها

لاهق:هو شديد البياض

يقول بصري الوضيحي:

يامن يعاودني على وصف كنه =أشقح شقاح ولاهقٍ بالبياضي

الورق: هو نوع من الحمام له صوت يشبه النوح

يقول الامير سلطان النعيمي حاكم البريمي :

ياورق وش بك دايم الوقت تلعين=كفى البكى وياورق نظري لحالي

هلباج:كثير النوم والكسول

يقول امير عتيبه سلطان بن ربيعان :

ماني بهلباجٍ على النوم نعاس=همه طعامه لين كرشه ملاها

واذا حضرني شي

بكتبه

محبك ابو زيد