اقتباس:
المشاركة الأصلية كتبت بواسطة مطلق الجبعاء
السلام عليكم ورحمة الله وبركاته
وددت أن يكون ترحيبي مذيلا ً بأبداعي .. بهذه القبيله العزيزه
ومناسبتها في حفل زفاف .. الاخ العزيز / عبدالرحمن بن فهاد بن دعس الشرافي
سلام الله في مبدا كلامي =على جمعة رفيعين المقامي
ابمدح والثنا معني وواضح = وضوح النور جلاي الظلامي
ومدحي في رجال ٍ ما تخبى=جنوب وشرق والقبله وشامي
دواسر واللقب خطلان الايدي = يسفون المنايا كالحيامي
الامن جاهم العايل بقومه = يخلونه عشا وحش العدامي
ولامن قال ابن مسعر عليهم = تحيزم كل رجل بالحزامي
يجون القوم والنخوه بدوسر = تصك الخيل في عج وعسامي
وهذا يفلك البندق وينخى = وهذا بالحدب قص العظامي
يضدون العدو حتى يسلم = بماله والكساير حول عامي
وكل ٍ عارف ٍ قسمه وكسبه = بلا شك وبلا ريب وملامي
والا جينا كرمهم شوف عيني = يمدون الكرامه للكرامي
دلال تروح ودلال ٍ تجدد = وكف ٍ ضاريه صب الايدامي
والامن جاهم الجالي تباشر=بفزعات ٍ تروي كل ظامي
يخلي قومه ويسلى معاهم = وميزتهم عن الشينه صيامي
وانا مطيري من مطير العريقه=لهم صيت ٍ كما بدر التمامي
ومني للدواسر هالقصيده =ولهم مني غلايه واحترامي
وصلى الله على محمد وسلم = شفيع الخلق في يوم الزحامي
وسلامتكم
اخوكم / مطلق بن مطلق بن الجبعاء الدويش |
صح لسانك يامطلق الجبعا
وحياك الله وحيا الله ابداعك
تشرفنا بانضمامك وشرفتنا بقصيدتك الرائعة
ويامرحبا