[معلومات العضو شوق2]

	بين الرجاء والياس ومعاند الشوق=عشت الزمان بكل حلوه ومره احيان اذوق النصر واحيان ما اذوق=الا سوات المر يجرح ممره ومن صارع الايام من عوق في عوق=يلقى من الايام يوما يحره ومن نازل التجار في ساحه السوق=ماربح فيه ولاتكفى لشره واللي يبي يسبق هل الطيب مسبوق=لو زاد عيشه والحقه صاع بره احيان.؟اقول اني مع الناس مطفوق=واحيان.؟اقول اني سوات المجره واحيان.؟اقول ان كل مطرود ملحوق=واحيان.؟اقول الكون مثقال ذره واحيان اقول البشت لاصار مفتوق=يضهر خمايل لابسه لو يزره مير الوكيد الجمع لاصار مفروق=ماينجمع لوكان وحد مقره والعرق لامن ناشعه عده اعروق=يصير منها في نهايه مجره حتيش لو شفت النقاء فوق صعفوق=الطعس طعس والهبايب تذره قلته وانا بين العرب ماكري فوق=بيتي لعطران الشوارب مسره بيتا يسمونه هل العوص مرزوق=يوم الردي قرشه بجيبه يصره ينصاه من لحقه من الشين لاحوق=في ماضي الايام وقت المضره اليا اقبلت عوص النضا تقل طاروق=ينصون عودا جمر ناره يكره وفي ذا الزمن كلا يحوق الفخر حوق=من كان معه ريال لله دره لو كان مايسوى ثلاثا من النوق=كلا يداري خاطره وش يبره وختامها صلو على خير مخلوق=واعداد مافي الكون نجم ومجره (من طول الغيبات جاب الغنايم) ااااااااااااااااااااااابو خالد جيت اباخذ بيت واخلي بيت وضاعت حيلتي عز الله انها جزله من راس جزل0 00 وانا اشهد ان مافيك حيله0 بيض الله وجهك وصح كلك ملاااااااااااايين ولا تسد0 تقبل مروري وجزيل شكري وتقديري0