لا والله الا بينن الملاويح = مثل البكار الوضح وسط الجهامي
اقفت سنين العمر جردٍ مدابيح = وحنا على الدنيا ورؤدٍ ضوامي
مثل الورود اللي على الما صبابيح = غدا لهم عند القليب ازدحامي
كم غرت الدنيا من الناس زحزيح = يدعث بخصمة والصوايد دوامي
المقفيات يعودن له مراويح = صوله وجوله ما شمله النظامي
وجا له نهارٍ لا بغى ينهض يطيح = فاجئته بيومٍ كثير العسامي
من حر ما به يرفع الصوت ويصيح = كنه من الصدمة كسير العظامي
يالله ياللي تدفع الغيث بالريح = يامن له المخلوق صلى وصامي
أسألك تهديني طريق المفاليح = اللي لهم نورٍ بليل الظلامي
لا من غدا في وزن الأعمال ترجيح =ؤ ضاعت علوم مصففين الكلامي
ضاعت علوم ملقح الهرج تلقيح = هذار فالمجلس قريب المرامي
انت الكريم وكل من غيرك شحيح = وانت الإله الحق وانت السلامي
الصلف : انا اشهد ان ابيوتك صلفه مثلك0
بيض الله وجهك على القصيده المميزه0
والتي تحتوي من الحكمه الشيء الكثير0
والله يحسن خاتمتنا قل ااااااااااااااااااااااامين0
واعجبني كثيراً البيت الاخير في توقيعك 00