[معلومات العضو صالح الجعيدي]

ودنا بالطيب بس الدهر جحـاد طيـب=كل ما تخلص مع الناس كنـك تغشهـا
يدك لامدت وفاء لاتحرى وش تجيـب=كان جاتك سالمه حب يـدك وخشهـا
كل ماشبيت نار المحبـه مـع حبيـب=قام يسحـل فـي مشاهيبهـا ويرشهـا
وكل ما واجهت لك فالزمن وجه غريب=مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب=جعل قشاش الحطب لاسـرح يقتشهـا

سعد بن جدلان

[line]

[line]

الموت موت الضمير وموتة الذمه=ونفس ٍ رضت من رداها في مذلتها
ما الميّت اللي بموته ينتهي همه=الميّت اللي حياته مثل قلـّتها
كم واحدٍ طاب ابوه وخاله وعمه=وإيده من الطايلات الله مفلـّتها
لو يستحي قاصر الشوفه على دمه=ما جاهرَت روحه الجربا بعلتها

عبدالرزاق الهذيل

[line]

من كثـر ماله ساروا الناس برضاه=ولو كان ناقص .. قالوا الناس وافي
ومن قلّ ما بـِيده ترى الناس تشناه=لو كان يسقيهم عسل قنـد صافـــــــــي
فالمال كم ساسٍ طمانٍ وعلاّه=والفقر كم حطـّم روابع سنافـــــــــــــــــــــي
لا شك ما للعبد عن حكم مولاه=من خير ولاّ شر والرب كافــــــــــــــــــــي
ما كتـب للمخلوق لا بد يلقاه=أمّا هزايم شرّ ولاّ عوافـــــــــــــــــــــــــــــي

حمد هادي المسردي

وسلامتكم ،، مع خالص التحية و الاحترام