الزمان اللي حداني على بعض الرخوم =
اشكره شكرا جزيلا على تجاربه =
يوم جيت ابدي لهم حاجتي جاهم وجوم =
كل منهم كن موته تمثنا غاربه =
والله انها هيّنه مير وصلت للنجوم =
لين صارت من رداهم لها متقاربه =
ومعرفة شبه الرجاجيل لايمكن تدوم =
في الرخا تصمد وعند الشدايد خاربه =
ما يسرك فيهم اللي تحَسب انه جزوم =
ولايغرك منهم اللي يفتّل شاربه =
المراجل عندهم بالسوالف والعلوم =
والفعايل عن طريق الهداني هاربه =
ليه اجامل دامهم ما يسدون اللزوم؟؟ =
يقدرون الطيب لكن يديهم تاربه =
لعنبو رجلٍ الى من زهمته ما يقوم =
ولعنبو من لانفع صاحبه واقاربه =
والزمان اللي حداني على بعض الرخوم =
احمد الله جل شانه صفت مشاربه=
الشاعر / منصور محمد بن مفرج الحقبانى