[معلومات العضو نايف الخييلي]

قـــصيده حــماسيه للشاعر : جــلهم بن ابراهيــم الودعاني وهي في الفخـــر


يقــول جــلهم الودعاني :

يالله ياغافر ذنوب الساجدين =ياللى علينا نرتجي فضايله
حنا ال زايد والقبايل خابرين =لاخص كل مجربً قبايله
جمعنا لاجاء اللقا فعله يبين =مقباس حربً ثوّره شعايله
حمّايت الاوطان بالسيف السنين =وعقّب كلامً مايتمه قايله
وغروسـنا للضيف هم والهاشلين =كم شيخ قومً دفن في جوايله
ربعي اللى فاللقا تنقي السمين = وعيال عودً قد مضت فعايله

وله قــصيده اخرى في الفخــر ويبّين فيها بعض سلوم الدواسر . ويقول فيها:

يالله اليوم ياعدال مامالي = سامك العرش ياعالم خوافيها
جدنا من على وقت ابن بدراني = قد ودا الجار من جدارً غدا فيها
ونأخذ التارده من كل سكراني = ورث جدانً ما والله نخليها
المراجل ترى مهيب بثماني = كون من ساس جده راسخً فيها
من بني خرب لـــحد نجراني = لاوسيع نهمل جارنا فيها
ال زايد لمن ثار عكناني = ترخص الروح في تدبير واليها
كن نثر الفشق في الخد طيحاني =مثل براق ليلً شارقً فيها
نذكر الله عدد ماهل وداني = و عد مزون تزبر من مناشيها