[معلومات العضو المجمول]

لاضاق صدرك وزاد الضيـق واحراجـه=سج القـدم والفيـاف الخاليـه دجهـا
ابعد عن الضيق واقطع مصدر ازعاجـه=وكم ناس ماتت قبـل تقضـي حوايجهـا
وعلى قضى حاجتك رب البشـر ناجـه=الله هـو اللـي ليـا ضاقـت يفرجهـا
وان شفت امورك ماهي عدله ومنعاجـه=ساير امورك علـى الراحـه وعالجهـا
والرجـل يعـرف بامدخالـه ومخراجـه=ولاتقبل النفس غيـر اللـي يخارجهـا
والناس للنـاس عنـد القـل والحاجـه=كم ناس ناس(ن)من الازمـات تخرجهـا
وخاو الذي كالبحر بالطيـب وامواجـه=وتـرك ضعـوف الرجـال ولا تهرجهـا
رجل(ن)ليا جيت يمـه طلق(ن)احجاجـه=ماهـو مـن اللـي سواليفـه يعوجهـا
واللي مخالفـك فـي رايـه ومنهاجـه=قربك منـه يتعبـك والنفـس يزعجهـا
وبعدك عنه يبعـد الهاجـوس وعلاجـه=لا تجبر النفس فـي قربـه وتحرجهـا
لوا تسكن ارض(ن)دهور ولا احد(ن)داجه=ارض(ن)خليـن تبيـح سـد دايجـهـا
ولوماوصـل برهـا الجـوال وابراجـه=اخيـر مـن عشرت(ن)قشـرا نتايجهـا