[معلومات العضو بدر بن سعود]

السلام عليكم ورحمة الله وبركاته ‘‘

قصيدة متواضعة أهديها إلى جميع الأحبة في ديرتي الزلاق ‘‘

كما أهديها إلى أخي الكبير مقاماً وقدراً ** عبدالله بن خلف الدوسري **

وقد ألقيتها في افتتاح مقر سعادته ’’

داعياً المولى أن تلاقي إستحسان ذائقتكم ’’

مع كل الحب والمودة ؛





؛


؛

سلام ازكى من العود ومن المسك ومن الريحان=سلام اعطر من النرجس من الكادي فبستانه
سلام اعذب من البارح لياهب ابنسيمه زان=سلام اطهر من ارياق الطفل توّه على اسنانه
مساء امبلل ابمزنن حديث العهد بالرحمان=مساء امبخر ابعودٍ تعلا فوقِ دخّانه
مساء امورد آبثه يُسَجَّل لي على ازمان=عبر هذا المكان إللي جمع بالطيب خلانه
قصيدة قصدها تطرب ،، وتطرب منّها الآذان=بلحنها على كيفي وأنا كيفي بحر زانه
أببْدع لك من اشعاري قصايد درّها الوان=حصابي لُولَهَا نادر تَمَتْع تبهر الوانه
وانا لاقلت باطرْبك ،، أكيد إني بعد طربان=أدن دن لك على دنّي وترقص منّها الحانه
أبرسل للجميع أزكى تحياتي بلا نقصان=ابرسلها صدى صوتٍ تعدّا نفس شفقانه
وخص بالجمع عبدالله أبوراشد كريمٍ عان =أبد ماقصر ابحله على أهله على اخوانه
بقول ابصوتي العالي واْبد مالك علي حلفان=قسم بالله تستاهل كريم وتستحق شانه
وتستاهل أخطّ اسمك على باب الكرم عنوان=إذا ضاعت عناوينه لقيتك رمزّ عنوانه
بعلي كلمتي عالي ولاني منّها خجلان=إذا للمرجله اركانِ حسبك عزّ أركانه
كريم الضيف مايخذل ضيوفه مجلسه عَمْرَان=مجالس هيلها فايح أبد ماصكّ بيبانه
رقيت المرجله عالي رقيت ابعزها كسبان=ترا الواحد تعلمها من اجداده وَشِيبانه
نهجت ابنهج جدانك بني زايد شيوخ اعيان =خذيت الطيب من لابه وسرت ابنهج تبيانه
عملت الخير لجل الله وكلن يرتجي لحسان=أبد ماتنتظر شكراً ،، جزاك الخير سبحانه
لفتني دعوةٍ منّك وجا حرفي مع الضيفان=يسابقهم يبي ينشد لكم حرفه على اوزانه
دعيت ابمثل دعوتكم ووصاني على قيفان=ابسردها لكم حبٍ أبد ماختل ميزانه
سؤال وبسأَلَه نفسي وابي منه الإجابه الآن=بدر! حبك لهالديره جبل قد فاض بركانه
نعم حبي لهالديره ملا هالقلب بالمليان=تشعب في سما روحي وخلا النفس مليانه
تعال اقرا عيوني اتشوف من حبها أنا هيمان=يهيم افبحرها فكري واتوه افسحر شطآنه
وحبي لَهْلَهَا أكثر ولو تبغي لك البرهان=تعال وقيس من نبضي تلاقي حسّ برهانه
أنا حبي لهم يجري من الشريان لشريان=تلاقي ملحهم طافح من اقليبي وشريانه
بعد هذا تبي تسأل؟! أقول ،، القلب والوجدان=عجز غيرك يبي يعرف من اسراره وأشجانه
لسان الحال لاتسأل ترا يكفي لك اللي بان=أنا مـ/خْفيت كان أعظم ولو باين من اعلانه
أنا حبي لهالديره من الفطره كأي إنسان=ملا من ملحها جوفي وروحي منْهَ رويانه
ولاتستغربو منّي على هالطيب يا اخوان=تراني من ظهر شيخٍ كسب بالطيب اخوانه

وسلامة قلوبكم ،، حفظكم الله ..



أخوكم / بدر بن سعود العجـاليـن ..