اقتباس:
|
المشاركة الأصلية كتبت بواسطة عبدالله الدوسري
إليا ضاق صدري إغتنمت القلم و البوك=أبيّح همومٍ في المغاليق منخشّه
و لا أدري متاه بينعدل حظي المبروك=و رزقي على اللي يرزق الطير في عشّه
تركته بحفظ الله و لا مثله المتروك=حدتني ظروف الوقت في العيد للدشّه
حبيبٍ لبيبٍ له فؤادي كما المملوك=و لا كل شخصٍ لا بغى قلبي يدشّه
الا رحت يمّه فرحتي فرحة المفكوك=من السجن و إلا مدهرٍ و الحيا نشّه
أحبه و أبي قربه حقيقه بدون شكوك=و من جاء وزانه في الغلا خافقي طشّه
و غلطان ياللي يحسب ان الغناة بنوك=يقايس الأمور قياسِه القصر و العشّه
و لا فيه وردٍ ينقطف لك بليّا شوك=و لا ينجني زرعٍ و راعيه ما حشّه
و الأعمار لله ما حدٍ له عليها صكوك=و ترى الرابح اللي تسلَم الناس من غشّه
و كل عام و انتم بعيد  |
الشاعر الكبير عبدالله الدوسري
يامرحبا والله ومسهلا ياابو صالح
وكل عام وأنت قريب ماأنت ببعيد
حسبي الله على ذالدوام ماجاء إلأ في يوم العيد
على العموم صح لسانك مدد ماتنحصي بالعدد
تقبل تحياتي العطره
أخوك ومحبك ومحب الجميع : دغش البطي